Der leken spieghel
(1844-1848)–Jan van Boendale–
AuteursrechtvrijLeerdicht van den jare 1330
[pagina 16]
| |
5[regelnummer]
Ga naar margenoot+ Die lichame ende lede heeft
Also hi onse menschen gheeft.
Neen hi niet, diet wel verheest:
God is altemale gheest,
Daer hemele ende aerde [vol] sijn mede;
10[regelnummer]
Nochtan en volt hi ghene stede.
Op een ure is hi over al,
In hemel, in zee, op berch, in dal.
Ga naar margenoot+ Hem en es verborghen twint,
Die alle herten binnen kint.
15[regelnummer]
Sine doghet, sine cracht, sine godlichede,
Sine gherechticheit, sine milthede
En mochte u niement orconden,
Al sprake hi met dusent monden.
Nochtan gaet sine ontfermicheit
20[regelnummer]
Boven al dat hier is gheseit.
Dats ons een groot toeverlaet,
Op dat wi daer op en doen gheen quaet.
Also sine wijsheit diep
Alle dinc van niete sciep,
25[regelnummer]
Also zoude hijt ontmaken zaen,
Alle in een oghe opslaen;
Ende dit hout al zine moghenthede
Staende aldus in sine stede;
Ende dade hire sine hoede of yet,
30[regelnummer]
Het worde weder al niet;
Want het van niete al is comen,
| |
[pagina 17]
| |
Als ghi hier voren hebt vernomen.
Waenstu, zot mensche, dat hi
Na sine ghedane sciep di
35[regelnummer]
In des lichamen vorme,
Die eten sullen die worme?
Neen hi niet, waerlijc:
Du beste een vuul slijc,
Ende stinckende als een mes;
40[regelnummer]
Ende die godheit si es
Ga naar margenoot+ So edel ende so scone,
En is niement onder den trone,
Die daer van enen haer toe dochte,
Dat hire of spreken mochte.
45[regelnummer]
Dusent zonnen, diemen siet,
En waren so scone niet,
Noch al hemelrike mede,
Als hi is in sijnre godhede.
Want alle natuerlike scoonhede,
50[regelnummer]
Beide boven ende beneden,
Moeten alle uut hem rueren,
Die meester is der natueren.
Ga naar margenoot+ Sine diepheit is zonder gront,
Sine hoocheit en es niement cont,
55[regelnummer]
Sine dicheit is onghemeten,
Niement en mach volweten
Sine ghedane, noch sijn wesen;
Ende die daer meest na lesen,
Dolen meest weder ende wey,
| |
[pagina 18]
| |
60[regelnummer]
Alse die blinde die slaen na tey,
Dat haerre gheen gheraken en can.
Hets waer, ghelijc enen man
Ghinc die Gods zone op aertrike,
Die God was ghewaerlike;
65[regelnummer]
Maer sine godheide ghedane
En scouwedmen daer niet ane,
Mar sine godlike dade,
Die hi wrochte vrooch ende spade,
Die sachmen daer aen openbare.
70[regelnummer]
Ooc sietmen inden outhare
Dat broot, des sijt ghewes,
Daer hi ghewaerlijc in es;
Mar die godheit in dien
Blijft daer al onghesien.
75[regelnummer]
Thoochste wesen dats die godheit;
Daer in es een drieheit:
Ga naar margenoot+ Dat sijn drie in een, ende een in drie.
Meerre wonder en sachmen nie
Onder den hoghen throne,
80[regelnummer]
Dan één wesen, drie persone,
Ende drie persone in énen God.
Niement en si zo zod,
Dat hi daer op te langhe dure,
Te wetene Gods nature.
85[regelnummer]
Die mensche can hemselven cume bekinnen,
Hoe soude hi Gode dan versinnen?
| |
[pagina 19]
| |
Men ghelove simpellike,
Dat God, onse here van hemelrike,
Één God is in drie persone;
90[regelnummer]
Men comt daer mede ten hoghen lone;
Want niement en macht te gronde slaen,
Alsic u voren dede verstaen.
|
|