Het gulden cabinet van de edel vry schilderconst

Iean Francisco Datsent
Italiaenschen schilder van Cent.

HEt is van oudts bekent dat Schilders sijn vercoren
Van jonckx af uyt den aert en met de Const gheboren,

En niet door Const ghevoedt oft daer van op ghequeckt

Soo geen volmaecktheyt in hun diepe Const ontbreckt:

Besonder als in't werck compt van Datsent te blijcken
T'gen' geen Hanteerders van des' suyver Const moet wijcken.

Uyt reden dat de cracht van haer ghesteltenis

Bethoont dat t'leven schier daer in verborghen is:

Niet dat hy t'levens vier gaet uyt de hemels haelen
Om soo daermed' sijn Const ten vollen te bestraelen.

Tot spijt van al de Goôn, ô neen, al wat hy doet

Wort door Pinceel en gheest van hem alleen ghevoet.