Het gulden cabinet van de edel vry schilderconst

[p. 283]

Bartholomeus vander Elst
Schilder van Haerlem, anno 1613.

HOe maeckt de rasse Faem nu soo veel hel gheschreeuw,
En roempt op al de Const des Vredens gulden eeuw

Als Vander Elst beleeft, die door sijn wetentheyt

De crachten van Pictuer door sijnen Gheest verbreyt:

Die met sijn levens schijn (soo langh de werelt staet
Schier maecken can door Const dat noyt den mensch vergaet

Uyt t'menschelijck ghedacht, wanneer hy op paneel

In't leven schijnt te sijn door cloeckheyt van Pinceel.

Waermed' dat Vander Elst sijn Faem beglori-rijckt
Soo als ghenochsaem aen sijn edel wercken blijckt

Die menich Princen oogh geest vlammich locken can

Soo dat sijn weerdicheyt is kenbaer alle man.