De Tweede Ronde. Jaargang 16

[p. 80]

Dis Van Dis!
Karel van Eerd

Wees ook nie so kieskeurig nie
A.D. Keet, Muskiete-jag

hoor sy snags nog die tweegesprek en glimlag weer: Dis goed.
Elisabeth Eybers, Tweegesprek

Jy vabond, wag en jy sal bly
Die som van alle pryse kry,

Verleen deur onse nasie.

Sy sê nie meer: jy is die dief,
Maar het haar oue buisheld lief,

Jy bly nog in die grasie.

Jy was die Sondagsgas gewees,
Nee, was die gasheer by die fees

Van onse uitsaaidae.

Standvastig vir die vrye saak
Kon jy die kompromieë maak,

So suiwer in die vae.

Na baie jare op die buis
Was jy vir skulde weg van huis,

Jy moes 'n boekie skrywe.

Jy weet wat hulle dink. Jy weet
Dat hulle naam en beeld vergeet:

Maar ink sal ewig blywe.

Jy meld jou aan, van Saar Maleis,
Vir elke vaderlandse prys.

Al skryf jy nou oor Nonja,

Ook so eer jy die slaaf as mens,
Kry 'n resensie van Kees Fens

En straks 'n soen van Sonja.