De Tsjerne. Jaargang 20

[p. 450]

Durk van der Ploeg:
Salvation army

Foar de ûnbikende soldaet

Hwat ha Jo Hear dochs mei ús foar?
Dêr swalket my fan doar ta doar,
Sawol by wizen as by dwazen,
In heilsoldaet yn elastiken hoazzen.
't Is mar in wrakke ûnderbou
En sa to sjen in jonge frou.
Tink om 'e S stiet yn 'e folder,
Us evangeelje is gjin kolder.
Is 't yn 'e S op 'e kraechkant foar?
Ik keapje in Strijdkreet oan 'e doar.
Net foar mysels, o né, sast' seiste;
Ik doch it inkel foar de neiste.
Myn buorman seit: 't is flauwe kul
En ik, ik haw gjin flau binul.
Wy lêze 't evangeelje alle dagen
En sitte net mei sokke fragen.
By ús gjin byt, wy leauwe al;
Miskien hjirneist, of fierder wol.

Sa'n saeiling yn dat swarte kapeguod,
Bin wy dan fan deselde lope skuord?
Mar hwa sil har de wurden keare:
Untfang de segen fan de Heare!
Smyt ik dy segen yn 'e goatte,
Dan fiel ik my forhouneloarte.
Mar oarsom ek, ik wurd net kjel,
It glidet my de rêch wol del.