De Tsjerne. Jaargang 20

[p. 388]

Jan De Nie:
Gebet yn 'e rumte

dit is de lêste kear
dat ik myn stjerdei fier
hwant alle stopsinjalen stean to let
en ik lit my net bilêze langer
dea bernet libben bernet dea.
en wer bitrêdzje ik ûnbigien wyt sân
en vicieuse sirkels

wanhoop en steryl petearjen

wachtsjend op in oar
dy't it fordomt en gean sa troch
kritykleas projektearje yn matearje
hwer is in god hwer is in minske -
allinne skimen húzje yn in stoel tsjinoer jin
en hwat ôfwaeid praet komt oer

soms yn in pauze

ek ik
wy krolje lippen mistrouwen en minachting
as fjurrige koallen -
ik ken it boek en de beam fan goed en kwea
haw ek ik fan iten
mar alle blêdden bin as stjerren delkaem
en myn himel stiet leech

as ûnbiwenber