De Tsjerne. Jaargang 18

[p. 217]

[Nummer 6]

Gerben Brouwer:
Earne leit in lytse poel

Ta de neitins fan A.M.C. van der Minne-Buma

Earne leit in lytse poel;
dêr wol ik wer hinne.
It is net fier; op myn gefoel
kin ik it wol birinne.

Der leit in boat yn dy lytse poel
dêr wol ik wer mei farre;
mar miskien is it, lek en sûnder doel,
al lang ûnder wetter bidarre.

Dan sil ik allinne yn de dize stean
en it praet fan 'e weagen hearre
tsjin 'e moanne, dy't yn grize klean
forreizget nei de stjerren.

En as ik net far en net sjoch of hear,
en de nacht hat de fjûren birutsen,
dan bin ik de dize, de moanne en in stjer
en in boat yn de djipte trutsen.