De Tsjerne. Jaargang 11

Inger Hagerup:
Lok
(Lykke)

Hwat is it lok?
- Oer gerzge klingepaden gean
yn tinne, tinne simmerklean,
frij jûkje elke nevebyt
slim hoeden, tige yn 'e blâns,
en jonkheit hawwe, en hwa wyt
in nea bilibbe leafdekâns.

Fornimme hoe't in reach fan spin
oer wang en mûle streaket tear,
hwat tinke oer waer en wyn en mear,
en oer in brief dat komme kin.
In kouweblomke freegje om rie:
miskien wol ja - miskien wol né
mint er my net - of mint er my?

Mar 'k ha gjin kunde noch oan dy.