De Tsjerne. Jaargang 1

Marten Sikkema:
Weromreis

Dit is ús lân: oer alle sleatten
De skiere dizen fan 'e hjerst.
De stompe tuorren, mounen, fearten,
Se ha ús jimmer eigen west.

Hwat jowe ús de wûnderheden
Dy 't men op fiere reizen sjocht?
De bosken rûzje sûnder reden,
De bergen blinke om 'e nocht.

Al frjemde spraken, frjemde lannen,
In trein komt oan, in boat fart fuort.
Men krijt jins brea wol út Gods hannen
Mar bliuwt ûnwennich en toskuord.

Wol kin men 't heitelân forgeije
Mar lykwols bliuwt men Frylan's soan.
Bigjint de stoarm it swurk to jeijen,
As jollen spjill' wy dêr wer oan.

Dan fynt men de âld stjelp, de greiden,
Alles yn nea biskreaun forbân,
En fielt: forgees binn' alle reizen
Bihalven dy nei 't heitelân.