Trotwaer. Jaargang 26

[p. 165]

Albertina Soepboer
Bewegingen

Nacht. It wetter kloppet
yn myn sliepen, de sluzen
stean wiid iepen. Noch
ien kear lûkt it lichem
himsels strak. Mar
nee, seit de wyn, dit kear
silsto dy de bek hâlde.
Ik swij, meitsje my klear.

Ik spring, do springst, hy springt
en ik sprong, weach nei weach.
Sûnder sykheljen. Gjin lân
mear ûnder de skuon.
Underweis nei doe.

It trage waaien fan
wetter om in liif. Sân
raant ûnder myn neils. Witte
dat dit noch mar it begjin is.
En ek dat net witte wolle.
Eagen dy't bestjurje yn
harren wyt. Nacht.