Trotwaer. Jaargang 26

[p. 130]

Frâns Hiddema
Haikû's

in mieuw ploeget dreech
yn 'e stoarmwyn op, syn doel
oan mij ûnbekend

dearinnende wei
oan de ein in âld húske
bedobbe yn blommen

âldman syn jierdei
mannich freon achter glês op
it antyk buffet

spin op skilderij
krúst de bergen en dalen
gjin plak foar in web

[p. 131]

 

anjers yn 'e kas

 

as se bûtenloft rûke

 

binn' se ûntwoart'le

 

 

 

fingerhoedsblomkes

 

earst de ûnderste dopkes

 

gjinien foar syn beurt

 

 

 

farsk fallen de snie

 

grize lykstaasjes litte

 

swarte spoaren nei