Trotwaer. Jaargang 26

[p. 101]

Sybout Hartog
winterwaar

dy jûns stean skraitsen lâns de diken
de tosken tusken gjalp & gniis
de maitsen krûpe út 'e liken
& deaden dreame ûnder it iis

de hiele wrâld hat weet fan wredens
mar berntsjes jouwe har gau del
wylst pakes as de reek op redens
de mar oerstekke nei reahel

kjeld hat it lân yn 'e besnijing
de krie sit as in byld fan tar
te wachtsjen op in âlde wijing
wylst geasten gûle oer de mar