Trotwaer. Jaargang 26

[p. 76]

Harmen Wind

Bewarskoalle

Lyk tsjin it sket oan dat
it skil fan 't tsjerkhôf skate,
kaam eltse beuker mei
deselde kroade op 'e kyk.
Foar treast wie der in
fûgeltsje tasein om om
te laitsjen. Noch sjoch ik
yn syn damp de fotograaf:
myn triennen steane der
noch hierskerp op.

[p. 77]

Keunst

It wie hast net te leauwen,
sa suver yn balâns, ús
heit syn keunst: de
biezum op it kin.

Hy wist net dat it my
om syn ferdwaalde
fuotten gong. Heit
seach nei boppen.