Trotwaer. Jaargang 26

(1994)– [tijdschrift] Trotwaer– rechtenstatus



[pagina 20]
Harmen Wind Plak Plak meitsje foar eat dat fan boppen komt of út de djipte, eat dat romte ferget, dat der is. Ik lis de grins, ik mean it gers, ik stean de ynkringers, ferskrik, ferdriuw, ik wekje. Ienris sil 't heve, de ferfolling, de gouden oere. 't Stee is ree.

[pagina 21]
Misbegryp Hy woe har sa graach sizze hoe leaf at er har hie, dat der gjin wurd mear wie om it mei út te lizzen. En doe't er net mear spruts wist sy genôch: de dreamer bleau efter yn 'e keamer, allinne en de tiid ferstruts. Kin net mear prate, wit net wa't er is en hoe't er hjit, kin net mear rinne, stjonkt, stjit frjemde lûden út, sit wêr't er sit.