Dit is een suuerlijc boecxken



[pagina 94]
29. aant.
¶ Dit liedeken gaet alst beghint 29.1. IC sie die morghen sterre heer ihesus claer aenscijn Ic gruetu sonder merren Met alder herten mijn. 29.2. ¶ Och wie mach ic daer horen maken so suet ghebaer het luydet in mijnen ooren oft gulden herpen waer 29.3. ¶ O siel wildi mi minnen ende mi bekennen bat ende mi daer mede gdewinnen [ghewinnen] ic ben dijnre herten scat. 29.4. ¶ Ihesus och lief vercoren mijn troost mijn toeuerlaet verleent mi al te voren te volghen uwen raet 29.5. ¶ Wildi bi rade leuen so laet ws selfs raet en wilt dat al begheuen. daer uwen sin toe staet 29.6. ¶ Sijn dit die naeste weghen
[pagina 95]
so ben ic seer veruaert natuer die en wils niet pleghen het is haren rechten aert 29.7. ¶ O siel slaet op v oghen siet aen mijn bitter pijn mijn edel bloet verdroghen wildi mijn beter sijn 29.8. ¶ Vildi mi niet begheuen. ihesus mijn gulden pint so wil ic v al mijn leuen. draghen in minen gront. 29.9. ¶ O siel sou ic v laten neen ic in gheenre stont. ic ben om uwer baten ter doot toe seer ghewont 29.10. ¶ O heer v bedructe tranen gheeft mi doer v oetmoet en dat ic mits v vermanen. mach vercrighen dat eewighe goet 29.11. ¶ O siel ontfaet die crone mijn trou die gheue ic di
[pagina 96]
mi suldi hebben te loone en scheyt nv niet van mi