Dit is een suuerlijc boecxken


30.aant. ¶ Van sinte Katherinen. Op die wise o venus bant 30.1. O Godlike cracht van hogher macht wat groter wijsheyt hebdi gewracht. al aen een maghet ionghe doen ghi haer dat vingerlinc bracht want si v diende dach ende nacht tot oorconden. dat ghi haer trou hebt vonden 30.2. ¶ Haer wijsheyt groot was sonder ghenoot die heylige geest haer hert doerscoot teghen die sarazijne. vijftich wise meesters groot heeft si met reden al versmoort sonder pijne die reyne maghet katherine. 30.3. ¶ Des keysers goet.
[pagina 97]
ende hoghen moet hebdi versmaet wt sinnen vroet en koost den doot daer vuere. ghi boot den hals wt minnen soet. daer wt ran melc voer roode bloet tot dier vren bekeerden veel creatueren 30.4. ¶ O edel martelaerse vry al opten berch van synay deden v die enghelen ter aerden daer v so menich ridder vry versoect wt edelre heerscapi met weerden ende oly van v begheerden 30.5. ¶ Ick bidde v patronersse vroet neemt ons allen in v behoet ende wilt ons wijsheyt gheuen. in vreden te leuen in minne soet ende helpt ons aen dat eewighe goet sonder sneuen hier na met v te leuen
[pagina 98]
¶ Gheprent Tantwerpen aen die marct // Bi mi Adriaen van berghen. anno .xvc.viij