Dit is een suuerlijc boecxken
(1957)–Anoniem Suuerlijc boecxken, Dit is een–
Auteursrechtelijk beschermd¶ Dit liedeken gaet op die wijse van claes molenaer21.1.
IN vruechden is alle de werelt wijt
| |
[pagina 72]
| |
die enghelen brenghen ons groot iolijt
met vruechden hier beneden.
21.2.
¶ Want aen maghet ghebenedijt
so is volcomen nv tet [ter] tijt
onser salicheden
21.3.
¶ Natuer is bouen den loop ghegaen
een suuer maecht die heeft ontfaen
een kint in aertrijcke
21.4.
¶ Seer cortelic ist al voldaen.
dat ysayas dede verstaen
dwelc was seer wonderlike
21.5.
¶ Dat licht der sonnen is ons geboren.
die moeder is maecht ende was te voren
ende bleef in reynicheden.
21.6.
Inder scriftueren so machmen horen.
hoe dat bi adam was verloren
tgeslacht der menschelicheden
21.7.
¶ Kinder nv laet ons blide sijn.
ende louen dat soete kindekijn
gheboren menschelijke
| |
[pagina 73]
| |
21.8.
¶ Want hi is comen als ic beuroede
pm te verlossen met sinen bloede.
ons allen ghemeenlijke
21.9.
¶ Ihesus so is die name sijn.
hi weende als ander kindekijn
na sijnder menschelicheden
21.10.
¶ Twee stomme beesten bekenden wel.
al haren scepper en niemant el
bi sijnder godlijcheden.
21.11.
¶ Een cribbeken stont daer ghemaect
daer wert hi in gheleyt al naect.
die heere van hemelrijcke.
21.12.
¶ Drie coningen quamen wt verre lande
ende si brochten daer offerhande
seer blide ende oetmoedelijke
21.13.
¶ Nv laet ons bidden dat kindekijn
met maria die maghet fijn
dat si ons wil ontfermen
21.14.
¶ Als wi hier niet langer en mogen zijn
dat si ons dan van die eewighe pijn.
wil behoeden ende beschermen
|
|