Dit is een suuerlijc boecxken
(1957)–Anoniem Suuerlijc boecxken, Dit is een–
Auteursrechtelijk beschermd
[pagina 74]
| |
22.
| |
op die wijse O venus bant22.1.
O Ihesus bant / o vierich brant
v heeft een suuer maecht plazant
met eenen woorde ghewonnen
dat dede haer duechdelic onderstant.
waer bi wort ons hier vree int lant
ghesonghen
met enghelsen tonghen
22.2.
¶ Aue dat woort
dat es ghehoort
te nazareth al in die poort
al na des vaders meenen
die heilige geest hielt met accoort
ons esser vruecht af comen voort
al weenen
sijn gracie moet hi ons verleenen
22.3.
¶ Dit edel saet
van hogher aert
te bethleem in een huyseken quaet
lach op die aerde besneden
| |
[pagina 75]
| |
twee beesten hielden met hem staet
en verwermden hem ons toeuerlaet
sijn leeden
die godheyt was al te vreden
22.4.
¶ Die maecht verclaert.
en hoghe vermaert
lach .xl. daghen onbeswaert
als ander vrouwen deden
het was den heyden gheopenbaert
si haesten hem te bethleem waert
ter stede / met groter waerdichede
22.5.
¶ O maget reyn
o hemels greyn
ghi sijt ons hulpe ons troost alleyn
ic bid v staet ons in staden
ghi sijt des sondaers int ghemeyn.
een vat dat daer is certeyn
verladen
met uwer ghenaden.
22.6.
¶ O rosegaert
van god bewaert
| |
[pagina 76]
| |
v gracie is gheopenbaert
in ons tot menighen stonden.
want als die siele ter pinen vaert
bidt ghi daer voer si wort gespaert.
van wonden
dat wil ic v oerconden
22.7.
¶ O suuer maecht.
daer dat licht wt daecht.
v grote oetmoet heeft god behaecht
daer om sidi vercoren
adams sonden heeft hi beclaecht
die van v wert onuersaecht
geboren / om tscaep dat was verloren
22.8.
¶ Nv vrolijc singt.
ende sijns ghedinct
dese vruecht ons alle vruecht ontbrinct
die moeder bleef maghet fijne
god die heer diet al om rinct
wi bidden dat hi ons ghedinct
in die vre
die swaer sal sijn ende suere
|
|