Dit is een suuerlijc boecxken
(1957)–Anoniem Suuerlijc boecxken, Dit is een–
Auteursrechtelijk beschermd14. aant.14.1.
MEt desen nieuwen iare
so willen wi vrolic sijn
ons heeft een maghet clare
ghebaert een kindekijn
in bethleem vercoren
so ons die schriftuere verclaert
| |
[pagina 43]
| |
es ons een kint gheboren
sie maecht bleef onbeswaert
14.2.
¶ Hier bouen vten throne
wert gabriel ghesant.
al totter maghet schone.
al in dat ioetsche lant
in nazareth ter steden
vant hi die maghet alleyn
hi sprac god gheue v vrede
god si met v ghemeyn
14.3.
¶ Ghi sijt bouen alle vrouwen
van gode ghebenedijt
bi v wort noch behouden
dat adam heeft onturijt
ghi sult in uwen lichame
een edel vrucht ontfaen
ende bliuen al sonder blame
en twijfelt daer niet aen.
14.4.
¶ Die maecht wert seere van binnen
verscrict in haren moet.
| |
[pagina 44]
| |
si dacht in haren sinne
hoe comen mocht die groet
die haer die enghel brochte
si en hads noyt ghesien
si dacht in haren sinne
och hoe sal dit geschien
14.5.
¶ Die enghel sprac o reyn
waer om sidi versaecht
ghi sult ontfaen een greyn
ende bliuen een suuer maecht
ende baren sonder pine.
dat licht der engelen broot.
der werelt medicine
en sal sijn sijns ghenoot
14.6.
¶ Hoe soudic kint gedraghen
en kende noeyt ghenen man.
noch en hebbe in mijn behaghen
hoe soude dat wesen dan
het is bouen natueren crachten
te sine moeder ende maecht
hier om trueren mijn ghedachten
| |
[pagina 45]
| |
hier om ben ic versaecht
14.7.
¶ O hoghe maecht van prise
waer om side ghi versaecht
die heilighe gheest sal rijsen
in v wel suuer maecht
gods crachten wtuercoren
die sullen v om vaen
dat van v wort gheboren
sal adams sonden dwaen
14.8.
¶ Elizabeth heeft ontfanghen
in haerder ouder tijt
haer daghen sijn verganghen
o maghet ghebenedijt
het es in godes vermoghen
dat es ende wesen sal.
nv blijft in goeden hoghen
vertroost dit iammer al
14.9.
¶ Die sone des alre hoochsten
so sal hi sijn ghenaemt
hi sal die werelt verlossen
ende ghi blijft onbescaemt
| |
[pagina 46]
| |
sijn rijck sal altoos dueren.
ende nemmermeer vergaen
hier om so en wilt niet trueren
die vruecht suldi ontfaen
14.10.
¶ Die oetmoedighe maghet reyne
viel neder op haer knyen
siet hier gods deerne cleyne
na uwen woorden moet mi geschien.
al totter seluer vren
ontfinc die maghet fijn
si droechen al sonder trueren
si baerden al sonder pijn
14.11.
¶ In bethleem vercoren
als ons scriftuer verclaert
is ons dat kint gheboren
het is veel eren waert
die moeder is maecht eerbaer
dies willen wi vrolic sijn
hi is god ende mensche te gader
hi en mocht niet beter sijn
|
|