Dit is een suuerlijc boecxken
(1957)–Anoniem Suuerlijc boecxken, Dit is een–
Auteursrechtelijk beschermd13. aant.13.1.
MEt vruechden willen wi singhen
in desen bliden tijt
heere ihesus wil ons bringhen
al in sijn eewich rijck
daer toe is hi gheboren
van eender maghet fijn
hi stilt der waders toren
dat soete kindekijn
13.2.
¶ Wt yessen is gesproten
een edel bloem lofsam
daer is ons wt geuloten
een bloem des godlicx lam
| |
[pagina 36]
| |
hi bracht ons offerhande
dat dede dat leuen sijn
hi brack der hellen banden
dat soete kindekijn
13.3.
¶ Die oude vaders alle die laghen inder doot
met also groten geschalle
ende met versuchten groot
ter stont dat si begheerde
dat soude gheboren sijn
al vander suuer geerde.
dat soete kindekijn.
13.4.
¶ Maria die suuer gaerde
die noeyt ghenoemt en vant
eer noeyt man quam op aerde
was si met gode bekant
van minnen om ons te trooste
dat dedese wel aenschijn
lof hebt ghidie ons verloste
dat soete kindekijn
13.5.
¶ Die enghelen inden throne
| |
[pagina 37]
| |
en al dat oeyt leuen ontfinc
bekenden marien sone sonder die wreede man
herodes die valsche heere.
dat dede hi wel aenschijn
want hi benide seere
dat soete kindekijn
13.6.
¶ Herodes wat baet v sorghen
ghi sijt van herten blint
gheen dinc en is verborghen
al voer dat ionghe kint
hi en mint gheen aertsche dinghen
sijn rijc is sonder termijn
wat wilstu dan verdringhen
dat soete kindekijn
13.7.
¶ Sal ic nv moeten verliesen
mijn eere mijn goet mijn lant
het sal daer om verkiesen
die doot van mijnder hant
ende kinderen van vele wiuen
al inden lande van mi
| |
[pagina 38]
| |
het salder oec mede bliuen.
dat soete kindekijn
13.8.
¶ Herodes heeft voerware
van sinen wil ghemist
dat kint is hem ontuaren
met goddelijcker list
daer om moesten sijt besteruen
veel kinderen dats wel aenschijn
om dat hi wilde bederuen
dat soete kindekhn [kindekijn
13.9.
¶ Drie coninghen wt orienten
si hadden des kints ghewout
si brachten in presente
myrre wieroock ende gout
daer mede dat si bewesen
sijn macht sijn rijck sijn pijn
daer mede heeft hi ons ghenesen
dat soete bindekijn [kindekijn
13.10.
¶ Een enghel quam ter spraken
ioseph den ouden man
ghi moecht v wel henen maken
| |
[pagina 39]
| |
ende varen nv van dan
herodes wilt doen doden
den soeten scepper dijn
behoeten van alle noden
dat soete kindekijn
13.11.
¶ Een ezel ginc hi bereyden
hi en lette niet een twint
daer op sette hise alle beyde
die moeder ende dat lief kint.
te egipten voeren si henen
al doer die wilde woestijn
sijn macht heeft daer gescenen
dat soete kindekijn
13.12.
¶ Si quamen in corten stonden
daer stont een palmboom
met vruchten dat si hem vonden
maria nam des goom
hier onder moet ic rusten
sprac si dat maechdekijn
met vruechden ende met lusten
ende mijn lief kindekijn
| |
[pagina 40]
| |
13.13.
¶ Doen si was gheseten
maria die suuer maecht
wijndruuen moet ic eten
van des die palmboom draecht.
mijn hert dat heeft bequolen
herodes valsch venijn
dat ic dus vroech moet dolen
ende mijn lief kindekijn
13.14.
¶ Daer af moechdi wel swighen
sprac doe die oude man
ghi en kontse niet gecrighen
want ic niet climmen en can
vele bat te deser stede
waer beter broot ende goeden wijn
dat moet ic voeren mede
voer v ende ons lief kindekijn
13.15.
¶ Doen ihesus was gheseten
op sijnder lieuer moeder schoot.
hi en haddet niet vergheten
want hi den boom gheboot
dat hi hem booch ter aerden
| |
[pagina 41]
| |
al voer die lieue moeder sijn
van des haer herte begeerde.
ende haer lief kindekijn
13.16.
¶ Die boom van soeter vruchten
neychde neder sinen top
al voer marien voeten
daer stonden wijndruuen op.
si plucten alle beyde
al voer des honghers pijn.
des moghen wi ons wel neyghen.
voer dat soete kindekijn
13.17.
¶ Een suuer claer fonteyne
al wter aerden spranc
om ihesus wille alleyne.
maria daer wt dranc
ende ioseph oec die oude
het docht hem wonder sijn
hi loofde menichfoude
dat soete kindekijn
13.18.
¶ In dese suuer feesten
sijn si gheuaren voert
| |
[pagina 42]
| |
al doer die wilde foreesten
si deden haer confoort
si quamen daer visenteren
al sonder fel begrijn
die heere alder heren
dat soete bindekijn [kindekijn
13.19.
¶ Doen si quamen met allen
al in egipten lant
daer sijn dafgoden geuallen
al diemen daer vant
si en konden niet verdraghen
dat goddelike aenschijn
doen si daer comen saghen
dat soete kindekijn
|
|