Dit is een suuerlijc boecxken
(1957)–Anoniem Suuerlijc boecxken, Dit is een–
Auteursrechtelijk beschermd
[pagina 47]
| |
15. aant.15.1.
NV laet dancken ende louen
den hogen god van hier bouen.
die waerheit en is niet gheloghen.
dat vogelkijn.
een pellicaen mach hi wel heten
hi is soe fijn
15.2.
¶ Te nazarette so is hi comen.
een tortelduue heeft hem vernomen.
die welcke ontfinc tot onser vromen
dat vogelkijn
15.3.
¶ Doen had ioseph staphans die goede
die tortelduue in sijn hoede
dat wilde hi so ic mi beuroede
dat vogelkijn
15.4.
¶ Negen maenden was hi gedragen
al ouer duue en was geen sage
si aenbadent oec alle daghe
dat vogelkijn
15.5.
Dat huys des paeys had hi vercoren
daer in waest dat hi was gheboren
daer mede hielt hi dat was verloren.
| |
[pagina 48]
| |
dat vogelkijn
15.6.
¶ Dit is eenen ghier nv comen te voren
ende heues in sijn herte toren
ende ducht dat hem noch sal becoren.
dat vogelkijn
15.7.
¶ Sijn claeuwen so heeft die dier ontdaen
ende wil begrijpen den pellicaen
het is om niet hi is ontgaen
dat vogelken.
15.8.
¶ Al daer ioseph lach en sliep
een heilich enghel tot hem riep.
staet op ioseph in egipten vliet
dat vogelkijn
15.9.
¶ Doe wilde die gier van rouwe steruen
om dat hi des vogelkens moeste deruen
menich ionck dede hi bederuen.
dat voghelkijn
15.10.
¶ Als die tijt was ouerleden
van tweendertich iaren dat is waerheden
track tot iherusalem in die stede
| |
[pagina 49]
| |
dat vogelkijn
een pellicaen mach hi hel [wel] heeten
hi is so fijn
15.11.
¶ Daer wert gheuaen die pellicaen
ende soechde die ionge met sinen bloede saen
wt rechter oetmoet die hem quam aen.
dat vogelkijn
een pellicaen mach hi wel heeten
hi is so fijn
15.12.
¶ Nv laet ons bidden met herten goet
dat hi ons voer die helsche gloet
die voer ons storte sijn heylich bloet
dat vogelkijn
een pellicaen mach hi wel heten
di [hi] is soe fijn
AMEN
¶ Hier eynden veel suuerlijke leysen van die gheboorte ons heeren |
|