Dit is een suuerlijc boecxken



[pagina 1]
Dit is een suuerlijc boecxken
[pagina 3]
DIt is een su//uerlijc boecxken // in welcke staen // scone leysen ende // veel scone gheestelike lie//dekens. Noch een liedeken // van deuocien ghemaect bi // broeder Dirck van munster.
1.aant.
[pagina 4]
1.1. MEt desen nieuwen iare so wort ons openbare hoe dat een maghet vruchtbare die werelt al verblijt Ghelouet moet sijn dat kindekijn gheeert moet sijn dat maechdekijn. nv ende eewelijc tot alder tijt 1.2. ¶ Hoe wel was haer te moede doen si in vleysche en bloede aensach haers herten hoede den here der werelt wijt $ Ghelo. 1.3. ¶ Si baerden sonder pijne ende bleef een maghet fijne des sondaers medicijne des hebben die ioden nijt $ Ghelo 1.4. ¶ Die engelen songhen schoone glorie inden throone ter eeren ende te loone den kinde des seker sijt $ Ghelo 1.5. ¶ Als acht daghen waren leden so wert ihesus besneden
[pagina 5]
al na der ioden seden dwelc ons van sonden vrijt $ Ghelo. 1.6. ¶ Wt orienten lande quamen ter offerhande drie coninghen onbekande gode ghebenedijt $ Ghelo. 1.7. Des dertien daghes sijt vroeder vonden si hem bi sijnder moeder ioseph was sijn behoeder so ons die scriftuere belijt $ Ghelo. 1.8. ¶ Als die ses weken omme quamen so ghinc si na betamen onbeulect van alder blamen dwelc was om ons profijt $ Ghelo. 1.9. ¶ Aldus ginc die maghet sempel ende droech haer kint ten tempel alle vrouwen tot een exempel dies haer niet en vermijt

DIt is een su//uerlijc boecxken // in welcke staen // scone leysen ende // veel scone gheestelike lie//dekens. Noch een liedeken // van deuocien ghemaect bi // broeder Dirck van munster.