Dit is een suuerlijc boecxken
(1957)–Anoniem Suuerlijc boecxken, Dit is een–
Auteursrechtelijk beschermd
[pagina 6]
| |
2.1.
¶ Drie coninghen wtuercoren
quamen in iherusalem
si vraechden waer hi was gheboren
die coninc der ioden
wi saghen in orienten die sterre sijn
wi comen hem aenbeden
dat kindekijn
$ Een kindekijn is ons gheboren
2.2.
¶ Doen herodes dat vernam
dattet kint gheboren was
wert hi toornich ende gram
ende ontsach hem das
dat hi verliesen soude
sijn rijcke groot
hi dacht hoe hi mocht brenghen
dat kindeken ter doot
$ Een kinde.
2.3.
¶ Hi vraechde met haestichde [haestichede
waer tkint gheboren was
te bethleem in die stede
so was datmen daer les [las
daer is gheboren die here groot
| |
[pagina 7]
| |
die ons sal verlossen
vander eewigher doot
$ Een kindekin in [is] ons gheboren
2.4.
¶ Herodes sprac ten vroeden
gaet henen en suect dat kint
met also groter hoeden
men seit hi is coninck
bouen alle coninghen
soe is hi fijn
men seyt hi sal besitten
dat rijcke mijn
$ Een kindekijn
2.5.
¶ Als ghi dat kint hebt vonden
so keert dan weder tot mi
in also corter stonden
en segt mi waer dat si.
ic sou so gaerne aenbeden
dat cleyne kindekijn
het heeft so seer doersneden
dat herte mijn
$ Een kindekijn
2.6.
¶ Mer als die coninghen quamen
buyten iherusalem
met vruechden si vernamen
| |
[pagina 8]
| |
die sterre staen voer hem
al tot si vonden dat kindekijn
in doecken ghewonden
bider moeder sijn
$ Een kindeken.
2.7.
¶ Drie coninghen aenbaden
tkint van dertien daech out
si offerden met waerdicheden
myrre wieroock ende gout
dat deden si daer omme
dat haer scheen grooten noot
si saghen al omme en omme
van hauen bloot
$ Een kindeken
2.8.
¶ Des nachts als si slapen wouden.
quam die enghel gods tot hem
dat si niet keeren en souden
al doer iherusalem
met eenen anderen weeghe
so sijn si ghekeert
al in haer conincrijcke
alsmen ons leert.
$ Een kindeken is ons gheboren
2.9.
¶ Nv bidden wi desen kinde
dat ihesus is becant
dat hi ons wil bringhen
hier bouen int soete lant
Daer hem die engelen eeren
tot alder tijt
dat ionne ons die heere
der heeren ghebenedijt
| |
[pagina 9]
| |
$ Een kindeken is ons gheboren
|
|