Schriftuerlicke liedekens met noch sommighe lofsangen ende ghebeden
(1595)–Anoniem Schriftuerlicke liedekens met noch sommighe lofsangen ende ghebeden–
AuteursrechtvrijNae de wijse: Waerom woeden de Heydenen, Psal. 2. Wtenho. Oft, Ydt is dat heyl ons comen.
COemt Ga naar margenootaherwaerts laet ons nu den Heer
Verheughen end' lof singhen,
Den troost ons heyls oock dancken seer,
Sijn lof en prijs volbringhen,
Met Psalmen na Davids ghebodt,
Want hy is d'alder grootste God,
En schepper alder dinghen.
| |
[Folio 337v]
| |
Melchisedech een Ga naar margenootboffer brocht
Abrahe te ghemoete.
T'beduytsel sy recht overdocht
Van broot en wijn seer soete.
Het beelt ons af int generael
Christi ons Heeren Avontmael,
Het leert Ga naar margenootcgheloof en boete.
God Abrahams ghebenedijt
Wilt Ga naar margenootdons gheloove stercken,
Op dat sick elck toon nu ter tijt
Abrahams kint in wercken.
In dese weerdighe maeltijt,
Daermen de spijs ghebenedijt
Ws Soons in mach aenmercken.
Christe gheeft ons oprecht verstant,
Neemt van ons twelck can schaden,
Vwen Gheest die reyck ons de hant
In dees seer hooghe daden,
Die daer vol zijn van uwen Gheest,
En gheestelicken aldermeest
Ga naar margenoot+Des menschen siel versaden.
Int nutten van dit Sacrament
Maeckt ons doch weerde gasten,
Ga naar margenoot+Inwendichlicken sy bekent
T'broot dat wy sien en tasten.
Door het gheloof int herte woont,
Ons sielen u ghenade toont,
Wiltse van druck ontlasten.
Den Arenden maeckt ons ghelijck,
Die hooch sien met verlanghen:
Op dat t'gheloof vliegh' in u Rijck,
V grijp aent cruys ghehanghen:
En opent so des herten mont,
Dat wy t'lichaem voor ons ghewont
Ga naar margenoot+Weerdichlicken ontfanghen.
Wat mach daer costelicker zijn
Dan u bloet wort ghevonden:
Twelck ons beduydet desen wijn: Een dranck voor onse sonden.
Het is den alderbesten most,
| |
[Folio 338r]
| |
Waer door wy alle zijn verlost,
Ghedachten diep op gronden.
Danck sy u Christe hoogschte goet,
Met den Vader almachtich:
Die ons u lichaem ende bloet
Hier hebt ghemaeckt deelachtich:
Blijft by ons door u Majesteyt,
Houdt ons in liefd' en eenicheyt,
Door uwen Gheest seer crachtich.
|
|