Schriftuerlicke liedekens met noch sommighe lofsangen ende ghebeden
(1595)–Anoniem Schriftuerlicke liedekens met noch sommighe lofsangen ende ghebeden–
AuteursrechtvrijNa de wijse: Van Christe qui lux. Oft Christe die du bist dach, etc.
GHeeft O Heere God die toornich zijt
Op uwe schepsel nu ter tijt
Twelck ghy met oorloghe seer slaet,
Te recht verdient door ons misdaet.
Hout op van uwe gramschap groot
End' siet doch aen uws schepsels noot,
Het welck te gronde moet vergaen
Wilt ghijt O Heere niet bystaen.
Door u groote barmherticheyt
O God des Ga naar margenootavredes doch wtbreyt
Den vrede als een water claer,
Want desen strijt vals ons seer swaer.
Na uwe woort nu ons gheschiet:
Den vader teghen t'kint men siet:
D'een broeder teghen d'ander is,
Vwen dach naeckt ons Heer ghewis.
Den strijt is meest om uwe woort,
Twelck wy aenhanghen rechte voort:
Sterckt ons dat wy daer blijven by, Ist uwen wil maeckt ons twist vry.
Neemt wech door uwe groote cracht
Onsen inlandisschen tweedracht:
En maeckt ons herten eens ghesint:
Gheeft vrede, die ghy Heer bemint. Alle ghemeynten nu doch sterckt
Met liefd', end in heur nu doch werckt
| |
[Folio 338v]
| |
Door cracht van den Ga naar margenootboprechten Gheest,
Waer door ghy Heer wilt zijn ghevreest.
Dit bidt u volck, het welck daer dorst
Na vrede, door den Ga naar margenootcVredevorst
Iesum Christum, die met u leeft:
Vwen kinderen vrede gheeft.
|