Schriftuerlicke liedekens met noch sommighe lofsangen ende ghebeden
(1595)–Anoniem Schriftuerlicke liedekens met noch sommighe lofsangen ende ghebeden–
AuteursrechtvrijNa de wijse: Les Borgongnons ont gaigne le champ, deuant la Ville de Perone.
O God, mijn herte dat is ghereet
Ick wil u Ga naar margenootadichten ende singhen
Staet op psalter, ende harpe wijt en breet
Ick sal vroech uwen lof voortbringhen
V wil ick belijden alle dinghen
Voor alle volcken, sonder bedwanck
Wil ick uwen prijs vrolick doen clinghen
En loven uwen Naem met gheestelicken sanck.
Belijt Ga naar margenootbden Heere met vrolickheyt
End' aenroept zijnen hooghen Name
Maect kenlick zijn wercken, daer veel aen leyt
Onder alle Natien die zijn eersame
Looft den Heere met sanck, tis hem bequaeme
Voor alle menschen hem seggende danck
Gheeft hem Ga naar margenootcglori, vry sonder blame
En lovet zijnen Naem, met gheestelicken sanck.
O Broeders vliet alle ydelheyt groot
| |
[Folio 263r]
| |
Wilt doch laten u sondich quaet leven
V onnutte sanghen, de welck zijn snoot
Bekeert u tot God den Heere verheven
En wilt u selven nu begheven
Christum te dancken, O ghy menschen crant
Hebt leedtschap van al u sondighe sneven
En looft des Heeren Naem, met gheestelicken sanck.
Nu laet ons doen, na sinte Paulus raet
Leert, Ga naar margenootdvermaent, seyt hy, u selven gepresen
Met Psalmen, en lofsanck, seer delicaet
Met geestelicke Liedekens tot God geresen
Singet den Heere, wilt danckbaer wesen
In uwer herten, met Psalmen gheclanck
Tis hem Ga naar margenooteeen offerande, so wy lesen
Dus lovet zijnen naem, met gheestelicken sanck.
O Vader, wy bidden u door Christum meest
Aensiet u maecksel, wt rechter minnen
Sent ons, O Heere, uwen heyligen Geest
Op dat wy hier uwen wille bekinnen
So sullen wy inwendich van binnen
Verheughen, en prijsen u in des werelts ganck
En u Ga naar margenootfRijck van dage tot dage versinnen
En loven uwen naem met geestelicken sanck.
O Princelick God die inden Hemel zijt
Aenhoort u kinderen hier beneden
Laet u behaghen ons lofs jolijt
Dwelck wy u singen, O Prince vol vreden
Wy die wel weten hier ter steden
Dat u den lof behaecht, bet Ga naar margenootgdan de gebeden lanck
Dus willen wy nu met eerbaer zeden
Loven Heer uwen naem, met gheestelicken sanck.
|
|