Schriftuerlicke liedekens met noch sommighe lofsangen ende ghebeden

[Mijnen gheest die heeft altoos verlanghen]

Na de wijse: Verjubileert u.

Mijnen ^agheest die heeft altoos verlanghen
Om van dit vleesch verlost te zijn
Want ^bmy de sonde neemt ghevanghen
Dies lijdt mijn herte groote pijn.

En hoe dat ick altoos moet strijen

Dat weten wy wel diet hebben gheproeft
Ick worde bestormt van alle zijen
Waer door ick dick ben seer bedroeft.

Ick heb wel dick eenen goeden wille

Maet het ^cvoldoen en vinde ick niet
Daerom moet ick hier af swijghen stille
Want ^dvan my selven en mach ick niet.

Maer als ick van Gods ^egoetheyt aenschouwe

So wort mijnen gheest wederom verweckt
Dat ick zijn woort vast betrouwe
Hoe seere my t'quaet oock daer af treckt.

Sijn woort en sal ick nemmermeer laten

Want het ^fgheeft my so stercken moet
Dat ick met recht ^gt'vleesch moet haten
Al vallet alle sinnen hart en onsoet.

Mocht my Gods goetheyt altijt gebeuren

a Phil.1.23.

b Ro.7.24, 7.14.
Psa.51.7.

c Rom.7.72.

d Ioan.15.4.

e Rom.5.6.

f Psa.94.19.

g 2.Cor.1.5.

[fol. 202r]

 

So leefde ick vry sonder verdriet

 

Verblijden sou ick tot allen heuren

 

Want sonder ^hhem can ick niet.

 

maer dit dit Liedeken eerstmael stelden

 

Sy converteerden in haren sin

 

Oock veel vyanden haer dagelicx quelden

 

En God seyndt haer altoos zijn gratie in.

h Ioan.15.6