Schriftuerlicke liedekens met noch sommighe lofsangen ende ghebeden

[In dees periculeuse tijden]

Na de wijse: Hoort hoe Christus na Galileen.

IN ^adees periculeuse tijden
Lieve broeders en susters t'saem
So wilt alle middelen mijden
Waer door ^barghernisse of blaem
Al over de Kercke mochte commen
Want veel ^csecten daer naer staen
Ende soecken hier boven sommen
Alt' oorsake om ons te verdommen
Ende so den ^dswacken te verslaen.

So dat ghy nu moet warachtich

Indien ^eghy de schandale vreest
V hier onthouden seer crachtich
Van veel dinghen binn' dit foreest
Die wel vry zijn tot vreuchts verstijven

a 2.Tim.3.1.
2.Pet.3.3.

b Mat.18.6.

c Gal.5.20.

d Rom.14.4.
Iac.4.13.

e Roma.14.15.
2.Cor.8.9.

[fol. 177r]

 

Maer eylacen, om de swackheyt

 

Moeten sulcx man ende wijven

 

Laten, of men salder veel verdrijven

 

Ende verworpen al in de doot.

 

Maer eylacen ick moet beclaghen

 

Dat wy so weynich ^fwachten expres

 

Op ons broeders in dese daghen

 

Daer ^gvoren Christus ghestorven es

 

Die door ons ydele conversatie

 

Lijden so groot wederstant

 

Dus broeders ter deser spatie

 

Laet u ^hleven vol van blamatie

 

Want gheheven so is Gods hant.

 

Hoort dat ⁱwee over ons ghesproken

 

Van Christo, daer hy seyt met woorden wijt

 

Die ^keen vanden cleynsten, t'dient ontloken

 

Erghert, hier tot eenigher tijt

 

Hem waer ^lbeter eenen steen ghehanghen

 

Aenden hals ende in de zee versmoort

 

Dus Broeders betert u ganghen

 

Of u naect d'eewich verstranghen

 

So ghy wt Christus woorden hoort.

 

Paulus die seyt met woorden koene

 

Dat hy liever nemmermeer ate vleesch

 

Noch wijn drincken ten gheenen saysoene

 

Dat ^mnochtans vry is, al naer den heesch

 

Dan dat hy hier soude ⁿschandaliseren

 

Sijnen crancken broeder broos

 

Waar door ^ohy hem mochte mineren

 

Dus verlaet nu u argueren

 

Met verschoonen u wercken boos.

 

Hoe dorst ghy t'hooft wtsteken

 

Om te zijne een ^pChristen bekent

 

Daer ghy in jaer, maent, of weken

 

En verlaet u ^qydel wandel blent

 

Want een cleet en wildy niet laten

 

Noch boort, oft overdadighe sne

 

Ia selfs u ^rlichtveerdich praten

 

Met u tuysschen boven maten

 

Daer ghy hoort so ^smenighe be.

f Rom.14.19

g 1.Cor.8.11

h Rom.2.5.

i Esa.5.25.

k Mat.18.6.
Marc.9.42.

l Luce 17.2.
Matt.17.20

m Rom.14.

n 2.Cor.8.

o Gala.5.13.

p 1.The.1.5.

q Rom.2.29
Ioan.8.39.

r 2.Mac.4.2.

s Rom.2.7.

[fol. 177v]

 

Ia noch en can ick niet helen

 

V vleeschelicke ^twercken onreyn

 

Die God haest sullen vervelen

 

So ghy u niet en betert certeyn

 

Als u kijven, ^vvechten ende strijden

 

V droncken ^xdrincken, en anders meer

 

Woeckeren, ^yhaderen en benijden

 

Daerom so vele nu ten desen tijden

 

Vanden Euangelie nemen afkeer.

 

Want de schult gheven sy der leere

 

Als sy eenighe feylen hier sien

 

En ^zlasteren daer door den Heere

 

Maer eylacen broeders van dien

 

Zijn wy de oorsake te same

 

Want ^anamen wy onsen roep waer

 

Ende volchden tot onser vrame

 

Zijn woort, so en ware zijn Name

 

Hier ^bniet ghelastert so swaer.

 

Dus seg ick met woorden warachtich

 

Indien wy ons niet en beteren subijt

 

So sal ^cGods toorne onsachtich

 

Op ons comen in corter tijt

 

Want heeft hy ^dIsrael ghenomen

 

Zijn woort, om haer leven quaet

 

En door crijch, ten zijn gheen dromen

 

Meest al laten omme comen

 

Niet denct dat ghy vry gaet.

 

Prince, een ^elicht behoorden wy te zijne

 

Hier in dit vreemde lant

 

Maer eylacy ten desen termijne

 

Zijn wy selve die aen elcken cant

 

Malcanderen bedrieghen ^lbecoopen

 

T'welcke wy met de lippen verbien

 

Maer ten helpt gheen verre loopen

 

Of te gaene te preken met hoopen

 

So wy sulcke wercken niet en vlien.

t Gala.5.19.

v Rom.2.

x 2.Thes.4.
Deut.23.19.

y 2.Esd.5.7.
2.Esd.3.5.

z Ephe.4.31, 5.3.

a 1.The.2.13
Iaco.5.5.

b Rom.2.24.
Ezec.36.20.

c Rom.2.9.

d Psa.78.61.
Rom.11.15.
Eusebius.

e Matth.5.
2.Thes.5.4.
Eph.5.8.

l 1.Thes.4.6.
2.Cor.13.2.