Schriftuerlicke liedekens met noch sommighe lofsangen ende ghebeden

[Ick ben seer bedroeft int herte mijn]

Na de wijse. Den lustelicken Mey Christus playsant.

ICk ben seer bedroeft int herte mijn
Dat de wolven dus fellick gapen
En dat hier also weynich Herderen zijn
Over alle dees arme Schapen
Elck ^agaet dolen zijnder straet
De sommighe heel desolaet
Sy ^bwandelen ghelijck de blinden
Sy en connen gheen weyde vinden.

Och Broeders laet ons doen na Christus raet

So hy zijn Discipulen ginck leeren
Ghelijck Luce in thiende gheschreven staet
Laet ons och van herten verneren
En bidden onsen ghetrouwen Vader seer
Door Iesum Christum onsen Heer
Dat hy ^cons sende ghetrouwe Dienaren
Die ons zijnen wille verclaren.

En bedroeft u niet ghy Schaepkens al

Weest vloeyende in Christus gaerden
Leeft vrolick na den tijt, over berch en dal
Als ^dPelgrims op deser aerden
Bereyt u ^elampen jonck ende out

a Psa.119.127.
Esaie53.9.
1.Petr.2.17.

b Eze.34.

c Mat.9.38.
Luce 10.2.

d Gen.47.9.
1.Par.30.15
4.Esd.16.41
1.Pet.2.11
Hebr.11.13.

e Matt.25.7
Iud.7.8.

[fol. 151v]

 

Eer ghy inde liefden vercout

 

Vwen Bruydegom die sal haest comen

 

Ontfanghen als de vromen

 

Slaet ^fvromelick teghen de Midianieten boos

 

Blaest overluyt u trompetten

 

Met Gedion houdt u cloeck altoos

 

Vaerden vaten wilt verpletten

 

Zijt ghy met Mosen in de woestijn

 

Als ghetrouwe Israeliten fijn

 

Wilt ^gDathan en Abiron niet aenhangen

 

Oft ghy sult met haer verganghen.

 

Toont nu dat ghy zijt ghetrou int velt

 

Met ^hIosua en Caleb eersame

 

Die wt des hondert duysent waren ghetelt

 

Als ⁱsy wt Egypten quaemen

 

Sy waren tot allen tijden bereyt

 

Doordat gheloove en ghehoorsaemheyt

 

Gods gheboden niet te verlaten

 

Daerom sy de landen besaten.

 

In volstandicheyt blijft ghy broeders altijt

 

Wilt niet weder na Egypten keeren

 

Al die door t'gheloove ghehoorsaem zijt

 

Wie soude u moghen deeren

 

Ist dat ghy u na ^kvrede keert

 

So ^lons de Schriftuere leert

 

Eendrachtich in vreden oorconden

 

So wordy borgers Ierusalems bevonden.

 

Aenschout uwen Bruydegom de gherechte ^mSpruyt

 

En eilt u na gheen ander paren

 

Hy heeft ons ghenomen tot zijnder Bruyt

 

Doen wy noch ⁿsondaren waren

 

Wy waren onvruchtbaer eensaem

 

Door Christum werden wy bequaem

 

Al die ^ozijn woort ontfinghen ghepresen

 

Gaf hy de macht zijn kinderen te wesen.

 

Coemt nu doch broeders, aenschout ghewis

f Iud.7.6.

g Num.16.

h Nu.14.24.

i Exo.12.33.

k 1.Pet.3.13

l Heb.12.14

m Iere.23.5

n Rom.5.6.

o Ioan.1.12

[fol. 152r]

 

Ons ^pIerusalem hier boven verheven

 

Die daer alleen ons Baermoeder is

 

Als Galaten vier staet gheschreven

 

Dese liefde is vry alleen

 

Met haren kinderen ghemeen

 

Want sy door de belofte zijn gheboren

 

Van Sarai, so ghy meucht hooren

 

Ontfanghen hebben wy de belofte jent

 

Door den gheestelicken Isaac vol rouwen

 

Dese heeft Ierusalem int nieuwe Testament

 

Door Iacob zijnen soon gaen bouwen

 

Iacob heeft ghegenereert

 

De ^qtwaelf Patriarchen geeert

 

Dese ^rtweaelf poorten seer schoone

 

Stelt ons Apocalipsis ten toone.

 

Peynst op tverstant ghy Christenen hoort

 

Dus Israel haer vrije steden

 

Elck gheslacht heeft een open poort

 

Om int nieuwe Ierusalem te treden

 

Christus onsen Bruydegom playsant

 

Nam ^sIsrael eerst byder hant

 

Hy heeft ^toock wtgesonden zijn knapen

 

Eerst tot de verloren schapen.

 

Siet aen Ierusalem, en te recht aenschout

 

Haer twaelf fondamenten openbaren

 

Dese zijn alleen op ^vChristum ghebout

 

Zijn Discipulen hoort mijn verclaren

 

Dese hebben vercondicht het Lam

 

Die onse sonden ^xaf nam

 

Hoe souden wy hem moghen vergeten

 

Hy is midden in Ierusalem gheseten.

 

Sion O schoone dochter Israel

 

Ghy die versaemt ^yzijt wt alle gheslachten

 

Niet alleen na den vleesche, verstatet wel

 

Dan door ghelooves crachten

 

Onsen ^zgheestelicken Abraham ghewis

 

Die een vader van veel Heydenen is

 

Al die hy hadde ^avoorsien te voren

 

Die heeft hy oock wtvercoren.

 

O lieffelicke Bruyt, O schoone stem

p Gal.4.2.
Apoc.22.2.

q Gen.35.22
1.Par.2.1.

r Apo.21.21.

s Iere.31.1

t Matt.10.5.
Luce 9.2.

v Acto.4.11.

x Ioan.1.29

y Apo.7.3.

z Rom.4.2.

a Rom.8.29.
Eph.1.5.

[fol. 152v]

 

O^bBorghers van deser steden

 

O lieflicke ^cdochter Ierusalem

 

Leeft nu altijt in vreden

 

Dese stadt is van Christo ghesticht

 

Het ^dLam alleen is die ons verlicht

 

Verblijt u ^eghy onvruchtbaren

 

In dese laetste jaren.

 

Spijt eendrachtich ghy Christelick graen

 

Wilt sonder besmettinghe leven

 

Want geen ^fonreyne mogen daer in gaen

 

Noch die haer tot leughenen gheven

 

Buyten ^gzijn de honden en tovenaers quaet

 

Hoereerders en dootslagers obstinaet

 

Oock die afgodery en leughens beminnen

 

Och vrienden wilt dit wel versinnen.

 

Neemt exempel aen ons eewich Prince net

 

Eenen ^hVorst des vreden by namen

 

Als ⁱeen Prince der Princen is hy geset

 

Over die in vreden zijn te samen

 

Daer ^kaen bekentmen zijn volck, hoort

 

Dat sy eendrachtich in liefden gaen voort

 

O Heere bewaert u ghemeyne

 

In oprechter liefden reyne.

b Eph.2.12.

c Psa.45.11.

d Apo.21.21

e Esa.54.4
Gala.4.27.

f Apo.21.27.

g 1.Cor.6.10
Gala.5.21
Eph.5.5.
Apo.12.15.

h Esa.9.5.

i 1.Ti.6.15.
Apoc.17.14, 19.16.

k Ioan.2.35