Schriftuerlicke liedekens met noch sommighe lofsangen ende ghebeden

[In druck, lijden, en groot torment]

Na de wijse: Dou vient cela.

IN druck, lijden, en groot torment
Soo ^ais de schoone Bruyt Christi gheresen
Al die dese selfde bekent
Die mach met haer wel treurich wesen
Waer dat sy haer keert oft went
Sy wandelt in grooter vreesen
In geen steden blijft sy ongheschent
Hoe ^bsoumen van grooter benautheyt lesen
O schoone dochter Israel
Hoe zydy dus tot lijden vercooren
Met benautheyt en groot ghequel
Als ^ceen roose in distelen en dooren

a Psa.44.23.
1.Cor.4.9.
2.Cor.4.11.

b Mat..24.28

c Cant.2.2.

[fol. 153r]

 

Vwen ^dBruydegom ghevoelt u smerten wel

 

Zijt ghetroost, hy sal u seer corts verhooren.

 

Och Broeders en Susters siet

 

Hebt acht op dese Bruyt van waerden

 

De werelt en wil haer ontfanghen niet

 

Sy en vint gheen blijschap opter aerden

 

Aen alle canten vint sy verdriet

 

Men bestrijt haer te vyer en te swaerde

 

Och dat alderswaerste dat haer gheschiet

 

Is t'vernielen van haren wijngaerde

 

Veel ^edienaers die sy hadden ghestelt

 

Sietmen na boosheyt vlieghen

 

Sy doen haer Broeders groot ghewelt

 

Met valsche leer gaense schandelick liegen

 

Ist niet jammer datmen dit vertelt

 

Dat de Christenen haer laten bedrieghen.

 

Elck ^fbeproeve hem minst en meest

 

Oft hy oock staet in een vast gheloove

 

Eendrachtich met eenen vyerighen Gheest

 

Op dat hy zijnen Broeder niet en bedroeven

 

Wacht ^gu van dat lasterlicke Beest

 

Die Gods Ghemeynte gaet berooven

 

Daer en is noyt listigher gheweest

 

Om den gheloovigen recht te ^hbeproeven

 

Daer wert nu ghepubliceert

 

Ick en macht niet langher verswijghen

 

Al die Gods woort renuncieert

 

Mach wereltsche ghenade vercrijghen

 

Dus wort Gods Bruyt ghevioleert

 

Van diet ⁱBeest dus deerlick toe nijghen.

 

Staet doch vroom ghy Christelic graen

 

Die met ^kNoach in d'Arcke zijn getreden

 

Al die met Moses zijn ^ldoor ghegaen

 

Die stantvastich zijn inde woeste steden

 

Al die ^mKorach met zijn secten wederstaen

 

Die wandelen na Christus zeden

 

Die met ⁿzijn over de Iordaen

d Esa.64.3.
Sach.2.8.

e Mat.20.29
Esa.5.7.

f 1.Co.11.27
2.Cor.13.5.

g Apo.12.2.

h Apoc.2.10

i Apo.13.4.

k Gene.7.7.

l Exod.14.

m Nu.16.1.

n Iosu.1.3.11.

[fol. 153v]

 

Ghenaken de landen van vreden

 

Al die dus vromelick strijdende zijn

 

Sullen dan jubileeren

 

Al haer smerten in de woestijn

 

Sullen dan in vreuchden verkeeren

 

Dan sult ghy in een ^oEnghelsche schijn

 

By Christum onsen Bruydegom triumpheeren.

 

Te recht is Christus onse Prince jent

 

Onsen ^pBruydegom hooch verheven

 

Een Vorst van zijn Ghemeynte pertinent

 

Tot een ^qerf van zijnen Vader gegeven

 

Zijn ^rschaepkens zijn van hem bekent

 

Die eewich met hem sullen leven

 

Al die hem van desen Bruydegom went

 

Die moet in duysternisse sneven

 

Overdenct dit alle ghelijck

 

Op dat ghy meucht domineren

 

Al in des Vaders rijck

 

By Christum eewich regneren

 

Zijn beloften autentijck

 

Sullen den geloovigen niet faelgeren.

o Mat.22.30

p Ioan.3.29

q Ioan.17.2

r Ioan.10.10