Schriftuerlicke liedekens met noch sommighe lofsangen ende ghebeden
(1595)–Anoniem Schriftuerlicke liedekens met noch sommighe lofsangen ende ghebeden–
AuteursrechtvrijNa de wijse: O Radt van avontueren.
HOort toe ghy Christen sinnen
En wilt niet zijn Ga naar margenootabeswaert
Alle die Gods woort beminnen
Hoe ons Ioannes verclaert
Int achtste Capittel beschreven,
Hoe Iesus tsmorghens vroech
Ghecomen is inden Tempel
Leerende tvolck menich goet exempel
De Pharizeen hadden spijts ghenoech.
De Pharizeen quaet van ghedachten
Voor Iesum op dat pas
Een vrouken dat sy brachten
Die in overspel bevonden was
Sy seyden: Meester dees vrou is bevonden
In overspel met boosen gheschal
Dus wilt hier vonnisse over gheven
In Moses Ga naar margenootbWet daer staet gheschreven
Datmen dusdanighe steenen sal.
Om Iesum t'achterhalen
Hebben sy desen list gheleyt
Want hy moet soeter talen
Altoos sprack van Ga naar margenootcbarmherticheyt
Om Iesum 'tondersoecken
Of hy soude hebben gheseyt
Datmense soude steenen
Dit was haerlieder meenen
Dat en ware gheen barmherticheyt.
Christus de Heere vol weerden
Die booch hem neder saen
Ende Ga naar margenootdschreef inder eerden
Wat sy selve hadden misdaen
Sy saghen daer int ronde
Op malcanderen al ghemeen
Hoort wat hen Christus oorconde
Die van u is sonder Ga naar margenootesonde
Die worp den eersten steen.
| |
[Folio 131v]
| |
Hier by moghen wy bedieden
Dat een yeghelick wel verstaet
Zijn Ga naar margenootfhoveken suyver sal wieden
Eer hy in eens anders gaet
En wilt gheen vonnisse gheven
Daer Ga naar margenootgghy selve in beschuldicht zijt
Want sy saghen daer gheschreven
Haer misdaet die sy hadden bedreven
Dwelck ons d'Euangelie belijt.
De Pharizeen ghemeene
Zijn al tsamen wech ghegaen
En lieten daer alleene
Het vrouken voor Christum staen
Christus al sonder sparen
Die vraechde t'vrouken saen
Waer dat sy waren ghevaren
Al die haer quamen beswaren
Ende haer beschuldicht haen.
Heeft u yemant verdoemt van desen
Heeft Christus dat vrouken ghevraecht
Och niemant Heere ghepresen
Sprack dat vrouken seere vertsaecht
So en wil ick u niet Ga naar margenoothverdoemen
Sprack tot haer Christus de Heer
En dient Ga naar margenootigheen vreemde Afgoden
Gaet leeft na mijn gheboden
En Ga naar margenootksondicht voortaen niet meer.
De barmherticheyt ons Heeren
Moghen wy hier by verstaen
Elck die Ga naar margenootlhem wil bekeeren
Al is hy met sonden belaen
Wilt hy voort deuchdelick leven
Hy wort met Christo bevrijt
Maer en wilt gheen oordeel gheven
Daer een ander om soude sneven
Op dat ghy oock niet gheoordeelt en zijt.
|
|