Schriftuerlicke liedekens met noch sommighe lofsangen ende ghebeden

[Hoort Broeders mijn druckich claghen]

Na de wijse: O Zion wilt u vergaren.

HOort Broeders mijn druckich claghen
Hoe datmen nu ter deser tijt
Door leughenen hoort ghewaghen
Dat Christus ghebenedijt
Heeft ghebrocht wt d'eewich leven
Zijn vleesch ende oock zijn bloet
En hier contrarie staet gheschreven
Al in ^aGods woorden goet.

O ghy menschen vol erreuren

Swijcht hier af, en wort ghestilt
Of men sal u sonder treuren
Betoonen, ist dat ghy wilt
Met de oprechte claerheyt
Diemen in de Schriftuere vint
Hoe dat Christus inder waerheyt
Naer den vleesche is ^bMaria kint.

a Esa.11.1
Rom 1.3.
Luce 1.35
Gala.4.4.

b Aco.17.26
Ioan.18.26.

[fol. 118r]

 

God sprack wilt hier op letten

 

Dat hy teghen het zaet des vyants quaet

 

Vyantschap soude setten

 

Ende ^cteghen der vrouwen zaet

 

Dat ^dzaet is Christus vercoren

 

So ons de Schriftuere ghewaecht

 

Wt ^eghenade hier gheboren

 

Van ^fMaria die suyver maecht.

 

Dit wil Esaias bewijsen

 

Dat wt ^gIesse soude voorwaer

 

Een roede wt spruyten en rijsen

 

Ende brenghen een roose claer

 

De roede (so wy lesen)

 

Is Maria ghebenedijt

 

Die ^hroose is Christus ghepresen

 

Die ons van sonden heeft bevrijt.

 

Moses sprack ⁱGod sal verwecken

 

Wt uwen Broederen vry

 

Eenen Prophete sonder vlecken

 

Dien sult ghy hooren als my

 

Desen Prophete eersame

 

Is Christus onse ^kAdvocaet

 

Wten ^lVaderen, naer den betame

 

Merct ^malsser gheschreven staet.

 

Noch sprack God verheven

 

Tot David, int aertsche dal

 

Als hy ⁿhem ruste hadde ghegeven

 

Van zijn vyanden over al

 

Een Prophete sal ick verwecken

 

Naer u doot ^ovan uwen lijve eerbaer

 

Dat is ^pChristus sonder vlecken

 

Seyt de Prophete claer.

 

Hoe cont ghy so leughenachtich

 

Versaken met woorden stijf

 

Dat Christus niet en is warachtich

 

Naer den ^qvleesche van Davids lijf

 

Ende naer de belofte vol eere

 

Is oock mede bekent

 

Voor ^ronsen warachtighen Heere

 

Sonder ^sbeginsel of ent.

c Gene.3.15, 12.7, 15.4. ende 22.18.

d Gala.3.16.

e Luce 2.7.

f Matt.1.25.

g Esa.11.1.
Acto.13.34.
Ierem.23.5.

h Luce 4.18.

i Deu.18.18
Acto.3.2. ende 7.37.
Ioan.1.45.

k Ioan.3.2.

l Rom 9.5.

m 2.Sa.7.12

n Psa.16.17. ende 132,11.
Acto.2.30. ende 3.1. ende 13.36.

o 2.Sa.7.11
1.Par.22.10

p Iere.33.10
Esa.53.9.
2.Cor.5.21.

q Rom.1.3.

r Mat.22.44
Esa.54.5.

s Mich.5.2.

[fol. 118v]

 

Van ^tboven is hy ghecomen

 

Verlatende zijns Vaders rijck

 

Inde ^vghedaente eens knechts gevonden

 

En is ons ^xgheworden ghelijck

 

Wt ^yghenomen de sonde

 

Die en was in Christo niet

 

Maer in alder manieren gheworden

 

Als ^zander menschen siet.

 

Na dien de kinderen zijn ^zdeelachtich

 

Menschen natuere t'alder stont

 

So is Christus oock warachtich

 

In sulcker ^bwijse, t'dient vermont

 

De Enghelicke natuere

 

En nam hy niet aen, op gheen termijn

 

Maer Abrahams zaet seyt Schriftuere

 

Daerom moest hy ons ghelijckformich zijn.

 

Salich moesten wy wesen

 

Door den ^czade van Abraham

 

Dit zaet is ^dChristus ghepresen

 

Die Abrahams ^ezaet aen nam

 

Ende hy is ons gheworden te gadere

 

So ons Christus leert vroet

 

En heeft ons versoent metten Vadere

 

Door ^fdat selve vleesch en bloet.

 

Ghy wederstaet Godes kercke

 

Die de Vader heeft ghevrijt

 

God ^ggheeft also ick mercke

 

Dat naer Elisabeths belijt

 

Een ^hvrucht vanden lichame

 

Vander maghet delicaet

 

Wten ⁱVaderen, naer den betame

 

Dat is der ^kvrouwen zaet.

 

Hoe cont ghy dit ghebuyghen

 

Ende wederstaen onbevreest

 

Al teghen Gods ghetuyghen

 

Al door den heylighen Gheest

 

Ende u daer boven noch beroemen

 

Dat ghy Gods wtvercoren zijt

 

Maer wilt ghy niet overcomen

 

Te vergheefs ist al dat ghy lijt.

t Ioan.1.9.

v Phil.2.

x Heb.2.7.

y Heb.4.15. ende 8.46

z Eph.6.2.

z Hebr.2.14.

b Acto.2.30.
Hebt.4.15.

c Gala.3.16.

d Gen.22.18

e Heb.2.16.

f Heb.10.20.2.Pet.3.18.

g luc.1.42.38

h Mat.1.18.

i Rom.5.19.
Gene.2.15.
Gala.4.4.

k 2.Tim.2.8.
Rom.1.3.
Rom.15.12.

[fol. 119r]

 

Hier mede blijft God bevolen

 

Die inder waerheyt zijt gheleert

 

Dat ghy dit voor alle die dolen

 

Dat sy moghen worden bekeert

 

Met ^lgheen sweert tot gheenen stonden

 

Oft ghy sout ^mGod wederstaen

 

Dat van God niet en is bevonden

 

Sal ⁿwel van selfs vergaen.

 

Bidt voor die dit Liedeken dichte

 

Op dat hy den Heere vreest

 

Ende hem zijn herte verlichte
Met zijnen heylighen Gheest

 

Op dat hy door de rechte deure

 

Tot Gode den Vaer gaet

 

Want ^oChristus is dat ^plammeken peure

 

Dat wech neemt onse misdaet.

l Acto.18.15

m Acto.9.5.

n Act.5.38.39

o Ioan.10.9
Esa.53.7.

p Ioan.1.29
1.Cor.15.3.