Schriftuerlicke liedekens met noch sommighe lofsangen ende ghebeden

[Hoort toe ghy Rijcke bin dit rosier]

Na de wijse: Een vaste Borcht is.

HOort toe ghy ^aRijcke bin dit rosier
Die hier rijckdommen toeloopen
Laet ^bu herte daer aen niet hanghen hier
Of int strick suldy beknoopen
Want die rijcke willen zijn
Seyt ons Paulus fijn
Die vallen dits claer
In ^cbecoringhe swaer
En in stricken des boosen vyants.

Want eenen gierighen, Salomon secht

En is ^dniet sat ten gheenen daghen
Waer isser oock een ghevonden recht
Een ^erijcke, dits zijn ghewaghen
Dien seyt hy met vliet
Soudick wel prijsen siet
Vonde fSyr.11.18, 31.8, 13.1. icker een

a 1.Tim.6.9.

b Psa.62.11.
Prov.11.28.
Iaco.5.1.
Syr.5.1.

c 1.Tim.6.9.

d Syr.31.1.

e Pro.11.28.

[fol. 114v]

 

Maer en weter gheen

 

Want peck raken doet besmeuren.

 

Met rechten raet Iacobus eenpaer

 

Dat de rijcke souden ^ghuylen en schreyen

 

Overmits hare ^hpericulen swaer

 

Daer sy insteken, sonder afscheyen

 

Ia als een spijcker licht

 

Tusschen twee steenen dicht

 

So leyt de sonde ghehoopt

 

Tusschen ⁱdie coopt en vercoopt

 

Dus elck wacht hem van vergrijpen.

 

Seer ^kswaerlick sal een rijcke man

 

Inden hemel comen warachtich

 

Ia lichter seyt Christus een Kemel can

 

Door een naelden ooghe eendrachtich

 

Dus elcken hout hem reyn

 

Soo ghy cont int pleyn

 

Onder ^ldit oncruyt

 

Want daer scheender uyt

 

Weynich die heur niet besmetten.

 

Want ghy en conde twee Heeren niet

 

Te dancke hier dienen certeynich

 

Veel min ^mGod ende Mammon siet

 

Of een moet ghy verachten onreynich

 

Dit is Christus vermaen

 

En den anderen toe staen

 

In uwe ghemoet

 

Dus ⁿwildy wesen vroet

 

Schiet u na Christus woorden.

 

Dus seyt Paulus tot die hier hebben wat

 

Sullent hebben verstaet wel ditte

 

Al oft sy ^oniet en hadden dat

 

So condy wandelen hier sonder smitte

 

Dan u ^pfonteynen claer

 

Laet hier over loopen eenpaer

 

Op dat mach minioot

 

Vwe broeders noot

 

Ghelescht zijn naer Christus leere.

 

Noch stater, indien wy hier hebben ^qgoet

g Iaco.5.1.

h Eccl.27.2.
Prov.31.9.

i Eccl.27.2.

k Ma.19.23
Luce 18.24.

l Mat.10.37
Eccl.5.11.

m Mat.6.24
Luce 16.13.

n Matt.6.25
Phil.4.6.

o 1.Cor.7.30

p Eccl.11.1
Prov.5.6.

q 1.Ioan.3.17
Matt.25.44.

[fol. 115r]

 

En ons naesten in ghebreken

 

So en is in ons niet Gods liefde soet

 

Dies worden wy eewich versteken

 

Dus somen yet begeert

 

V ^raenschijn niet af en keert

 

Want wiet certeyn

 

Verachtet ghemeyn

 

Van dien sal God zijn aenschijn keeren.

 

Dus Broeders, u ^snaesten bystant doet fijn

 

Met dat u God heeft willen schincken

 

Ende en wilt niet so sorchvuldich zijn

 

Wat ghy sult ^teten of drincken

 

Want voor sulcx eenpaer

 

Sorghende heydens swaer

 

Die bin dit rosier

 

Haer laten duncken hier

 

Met haer sorghe te vercrijghen.

 

Maer Christus begheert datmen toch siet

 

Op de ^vvogelen, hoe sy haer geneeren

 

Hoe wel sy maeyen noch spinnen niet

 

En crijghen fijn wat sy verteeren

 

Dus sorghet God ghemeyn

 

Voor een mussche cleyn

 

Wat faelt ons secht

 

Dat wy hier so slecht

 

Blijven vol ^xmoeyte ende sorghe.

 

Prince ghy rijcke u nu bekeert

 

Ende en wilt u ^yooren niet af wenden

 

Vant roepen der armen, in druck verseert

 

Want uwen tijt die sal haest enden

 

Ende so ghy hier in noot

 

Vwen broedere seer bloot

 

Niet doet bystant

 

Al metter rechterhant

 

Van Christo so wort ghy ^zverworpen.

r Mat.18.24
Mich.5.42.

s 2.Cor.8.7.

t Matt.6.25.
i.Pet.5.7.
Psa.55.23.

v Mat.6.26.
Luce 11.9.
Psa.147.9.
Iob 39.3

x Eccl.4.8.

y Pro.21.13.
Luce 11.11.
1.Ioan.3.17

z Mat.25.35