Schriftuerlicke liedekens met noch sommighe lofsangen ende ghebeden

[fol. 51r]

[Beminde broeders reene]

Na de wijse: Ghy borghers opter aerden.

BEminde broeders reene
Die Christum hebt ^aaenghedaen
[Poocht] u woorden te scheene
[V]an alle wercken ghemeene
Die u salicheyt connen schaen.

Want ten is niet al gheleghen

[In] ^bydelen roem ende praet
[Ghy] moet, wat batet versweghen
[Van] ^cal u boose weghen
[Afstaen], eer dat is te laet.

VVant ^ddie na den vleesche leven

[A]l ist dat sy vander kercke zijn
[S]y werden van God verdreven
[Dus] ^eschuwet t'sondich sneven
[Of] ghy coemt int ghepijn.

Al die ^froepen Heere Heere

[En] werden oock comen niet
[Inden] Hemel by God vol eere
[Maer] die volghen zijn leere
[Werden] vry van alle verdriet.

Dus seyt ons Paulus ghepresen

[Doot] u leden van dat haer aencleeft
[Van] hoererie en ander boose wesen
[Met] alle ander wercken tot desen
[Die] God verboden heeft.

Denct vry vrienden eersame

[Of] ghy u schoone hier veynst
[Ende] draecht een goede name
[God] ^gweet tot uwer onvrame
[Al] wat ghy doet oft peynst.

Dus schict u in alle staten

[Als] in Gods bywesen eerbaer
[Die] ^hgheen goet en sal laten
[Ongheloont] tot uwer baten
[Noch] quaet ⁱonghestraft dits claer.

Weest heylich seyt God almachtich

[Also] ick heylich ben
[Prijst] zijnen naem eendrachtich

a Colo.3.11.
Ephe.4.24.

b Mat.7.22.
1.Cor.13.2.

c Rom.2.9.

d Rom.2.5.
Galat.6.7.

e Matt.7.22.Luce 6.46.
Matt.25.11.

f Colo.3.5.
Ephes.5.3.

g 1.Sam.6.7
Psa.2.44.22.
Iob 16.19.
Ierem.17.10

h Roma.2.6.

i Levit.19.2.
Apoc.15.3.
Psa.145.
1.Pet.1.15.

[fol. 51v]

 

Van zijner weldaet crachtich

 

Want alle eere toecoemt hem.

 

Want wt ^konverdienden loone

 

Heeft hy ons op ghenomen vry

 

Tot zijn ^lBruyt ende zijn schoone

 

Door zijnen lieven Sone

 

Daeromme so blijft hem by.

 

Dus ^mbroeders nu slap bevonden

 

Heeft u God ⁿalso lief ghehadt

 

Dat hy voor uwe sonden

 

Gaf zijnen Sone, ick moet vermonden

 

Wee u ^oversuymt ghy dat.

 

Wilt nu betoonen loyalich

 

Vwe danckbaerheyt breet en wijt

 

Met ^pwercken der liefde Godsalich

 

Om uwe broeders principalich

 

So ^qChristus vermaent int crijt.

 

Oorlof tot die haer romen

 

Dat sy van de schapen Christi zijn

 

Ende niet tot beteringhe comen

 

Sulcken roem sal haer verdomen

 

Ende bringhen in ghepijn.

God werct den wille, ende

t'volbringhen.

k 1.Pet.2.10

l Zach.2.10.
Hebr.9.15.

m 1.Ioan.2.28

n Ioan.3.16

o 1.Cor.5.7.

p Gala.6.16.

q Ioan.13.14.