Nieu Aemstelredams Liedboek
(1591)–Anoniem Nieu Aemstelredams Liedboek–
[Folio 134]
| |
Beval hy tot dees tijen
Want Phoebus had verschoonen
Saturnum groot van cracht, ooc by de dach en nacht
Vervolghen met eendracht, al Veneris gheslacht
Momus met zijn gheselschap quaet
Heeft hy verstooten door zijn raet
Op dat het Amoureuse zaedt
Vry sonder schromen soud' verheugen t'gemoet
Want sy een welbehaghen vaet
Dat men in Venus wetten gaet, ende Dianam obstinaet
Nu heel versmaet, in desen tijdt seer soet.
Cupido sterck van crachten was ten Hemel ghevaren,
Daer alle de Goden waren, Saturnum te beclagen
En tbedroch te verclaren, van haet en nijts qua
scharen,
Die hem te seer beswaren
En met achterclap plaghen,
Dies Juppiter terstont, my wt den Hemel sont,
Ick soud' soo ick't goet vondt, verderven in den gront,
Al die den treyn der liefden fijn
Benijden en afgonstich zijn,
Op dat liefd' sonder valschen schijn
Floreren mocht nae t'betamen seer soet,
Dies o ghy clappers hoort nae mijn
Schenckt niemant van v valschen Wijn
En saeyt oock niet meer v fenijn
Of v naeckt pijn in desen tijdt seer soet.
Dies O Goddinnen schoone, gheveynstheyt wilt
versmaden
V en sal niemant schaden, en wilt geen clappers
vreesen
Troost den minnaer beladen
Met jonst uwer ghenaden
Helpt hem ten besten raden,
Ghy werdt dan seer ghepresen,
Want Flora excellent, die comt ons nu ontrent
Ceres haer t'ontswaert went, elck schenct v haer present
Op dat ghy v voortaen sult spoen,
Buyten te comen in het groen,
Als men eertijden plach te doen,
Hier toe treen sy Momum onder de voet,
Voor die clappers seer stout en coen,
En derft ghy v nu niet meer hoen,
Maer met lust de liefde te voen
Wilt nu bevroen in desen tijdt seer soet.
| |
[Folio 135]
| |
Jonstwaerdighe Princesse wilt v
doch nu verneren
Reyne liefd' te vseren, so sal v vreuchde
groeyen
Die v bemint in eeren, genadich wiltr tracteren
T'is Veneris begheeren
Als een roos sult ghy bloeyen,
En wert nae mijn verstant
Door Phoeby stercke handt
Bevrijdt voor druck en schandt,
Dies O Nimphen playsant,
Voecht v doch nu met allen vlijt
Dat ghy Venus ghehoorsaem zijt
Soo sult ghy nu en t'aller tijdt
Toenemen seer in vreuchden en voorspoet,
Van leughens waengunst allen spijt,
Qua tonghen, en oock haet en nijt
Van alle t'gheen dat liefde verbijt,
Zijt ghy bevrijdt, in desen tijdt, seer soet.
|
|