Nieu Aemstelredams Liedboek

Op de wijse, Ick seg adieu.

LIef v aenschijn, v bly en vrolijck wesen
Can shertsen pijn, lustich alleen genesen,
Daerom sal ick eeuwich voorwaer,
Trouwelijck zijn, voort v dienaer,
Jonckvrou eerbaer, aenschout my maer
Met v ghesicht ghepresen.

Eerlijc beloont, reyn bloem v dienaer trouwe

Nu hy betoont, hert sin en moet Joncvrouwe
Tot v ghestreckt te zijn alleyn,
In eeren croont zijn liefde reyn,
Maeckt lieflijck greyn, t'groot lijden cleyn
Verdrijft zijn smert en rouwe.

Met woorden soet, zijn pijn soect te versachten

Zijn lijden boet laet hem niet langer wachten
Ontfangt hem met een fier ghelaet,
Die alleyn leeft op v ghenaet,
Hem nu bystaet, eert valt te laet,
Laet hem niet heel versmachten.

Al zijt ghy schoon, en wijs lief boven maten

Een slecht persoon, en wilt daerom niet haten
Maer schickt v vry by hem wat dicht
In eerbaerheyt hoort zijn bericht,
Met v ghesicht, zijn hart verlicht
En wilt hem dus niet laten.

Princes eerbaer, doet ws dienaers begeeren

Zijn lijden swaer, sal haestelijck verkeeren,
Soo ghy en hy zijt eens ghesint
Met hem v in de echt verbint,
Met raet van vrint, hy die v mint
Sal v altijdt vereeren.