Nieu Aemstelredams Liedboek

Op de wijse, Alst begint.

SChoon liefken jent, seer excellent
Ick moet het v clagen, dat ic absent
Van v dus sy ghewent
Dus lijdt mijn hart torment
Van daghe tot daghe.

Hoe dick hebben wy, Met melody,

Ghenuechte bedreven,
Mijn hart was bly, als ick mocht comen by
Schoon liefken aen v zy, door v soet aencleven.

Ick roep O wach, met groot gheclach,

Dat ickse moet derven,
Dien ick aensach, Met mijn oogen opslach,
Niet langher spreken en mach,
My dunckt ick salt besterven.

Al is sy quaet // haer fier ghelaet

Cant al ghenesen // Mijn hart dat vaet
Al waert heel desperaet, al door de soete praet
Die sy my heeft bewesen.

Waerom seght reyn // Lief edel greyn

Niet hebt ontfanghen,
Mijn trou alleyn // die ick v boot soo pleyn
Wt liefden in't ghemeyn
Hbt laten verganghen.

Dat ick niet meer // mach comen weer

Dat doen qua tonghen, dies ick verteer
Mijn hart in lijden seer, Sy houden my ter neer
Als een kindeken bedwonghen.

[fol. 107]

 

Princes comt voort, Weest niet gestoort,

 

Wilt v doch keeren, Naet soet accoort,

 

Schoon liefken v doch spoort,

 

Onthoudt van my dit woort

 

In deuchden en in eeren.