Nieu Aemstelredams Liedboek(1591)–Anoniem Nieu Aemstelredams Liedboek– Auteursrechtvrij Vorige Volgende Een Amoureus Liedeken. O God al vander minnen, Seer crachtich van cueren Ghy berooft mijn hart en sinnen, Nu tot aller uren, Waer sal ick dueren, Ghy hout my int verdriet Ick leef in swaer dolueren Want my onrecht gheschiet. Daer ic lijf ende leven, wel soude voor wagen Die heeft my nu begheven Want in haer behagen, heeft sy een ander siet Die sy haer vriendtschap biet Ick mach my wel beclaghen Want mijn onrecht gheschiet. Hoe soude ick connen bedrijven Vreuchde of Melodie Daer de fleure der wijven, Mijn hartken is partie, Druck fantasie Benout dat herte siet, noyt meer der vylaynie Want my onrecht gheschiet. Hadd' ick liefken gheweten, Te recht om wat saecken, dat ghy my hebt vergeten Die mijn hart doet blaecken Doen wy laest spraken, En docht ic lacy niet Dat my dit soude ghenaken Want my onrecht gheschiet. Adieu edel Princesse, Alst aldus moet wesen Oorlof ma Maistresse, Neme ick mits desen [Folio 98] [fol. 98] Ick waer genesen, Dat ghy v schimpen liet, Reyn bloemken wtghelesen Want my onrecht gheschiet. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij