Nieu Aemstelredams Liedboek

Op de wijse: Het voer een Maechdelijn over Rijn.

MEt liefd' ghequelt soeck ick v raet,
Raet my nu wel eert valt te laet,
Laet my niet heel bederven
Derven van troost doet sterven.

Sterf ick om v door liefde groot

Groot sal v pijn zijn door mijn doot
Doot ghy v lief vol trouwen
Trouwen sult ghy veel rouwen.

Rou sal van v vlien met der spoet

Spoet ghy te troosten mijn ghemoet,
Moet v dienaer ootmoedich
Moedich vertroost hem spoedich.

Spoet v tot hem die v verwacht

Wacht v voor tonghen vals, vol pracht
Pracht doet t'goet hart verkeeren
Keeren wilt nu met eeren.

Eert hem Princes die v bemint,

Mint hem die ghy vol trouwen vint,
Vint ghy mijn trou ghestadich,
Stadich zijt my ghenadich.