Nieu Aemstelredams Liedboek

Op de wijse, Almange de Spiers.

MIdts ick van v was ghewent
Is v hart my ontweken,
Ghy van my zijnde ghekent
Ben nu oock van v versteken,
Ick weet v niet trouwen // sal
Laet sien wiet eerst rouwen // sal.

Eerst bevant ick my beswaert,

Door v jonst en valschelijck vleyen,
Maer nu ick ken uwen aerdt
Sal met vreuchde van v scheyen,

[fol. 93]

 

Geen druck my benouwen sal // laet sien, etc.

 

Ick dacht ghy my jonste boot

 

Om tot liefde te verwecken,

 

Maer t'zijn v manieren snoot

 

Om met alle Man te ghecken,

 

Dies ick v wel schouwen sal // laet sien, etc.

 

V belofte my verleent,

 

Laet een ander ghebueren

 

V ontrou heeft niet verdient

 

Dat ick daerom denck te trueren,

 

Op sant ick niet bouwen sal, laet sien, etc.

 

Die ghy hebt in plaets van my

 

Mint v niet als ick v deden,

 

Ende die ick weer min voor dy

 

Is schoonder, frayder van zeden,

 

Dies ick dees behouwen // sal

 

Laet sien wiet eerst rouwen // sal.