Nieu Aemstelredams Liedboek

Op de wijse, Alst begint.

MEt versuchten moet ick claghen
V alderliefste mijnen noot
Want niemant tot gheenen daghen
Mach blussen mijn lijden groot
Dan ghy cont my beweghen
Als ghy my jonste boodt
Wt liefde minioot.

Want mijn leven ende sterven

Alderliefste hangt aen dy,
Dus laet my troost verwerven
Van v minlijck aenschijn bly,
Of ick moet gantsch bederven
Van swaer melancoly
Ist dat ghy my valt party.

Sonder v O Bloem der Bloemen

En can ick niet vrolijck zijn,
Hoe soude ick die doot ontcomen
Waert dat ghy vielt teghen mijn,
Waer dat ghy t'mijner vromen
Alleen hebt Medecijn
Teghen alle druck en pijn.

Princesse weest doch ghenadich

Die om v shartsen bloedt
Verteeren gaet ghestadich,
T'welck alleen v liefde doet,
Met troost maeckt hem versadich
In't lijden met der spoet,
Ick blijf v dienaer goet.