Op de wijse, Allemange de fleur.
MAechdelijck pylaer, eerbaer
Wt liefden claer, voorwaer,
Gheeft my v dienaer moet,
Want boven al die leven, Zijt ghy die liefste soet
In mijn harteken gheschreven
Gheen liever weerder goet,
Schoon lief mijn hart en bloet
Soud' ick storten voor dy
Nemmermeer een graen, gedaen, Sal ic v afgaen
seer // saen
Maer eeuwig bystaen, bevaen
In liefden waer dat het zy.
Princelijck ingien, door wien
Dat my mach gheschien, t'verblien,
Die my nu ten tien, comt bien,
V liefd' sonder gerief, En ghy sult ooc gewinnen
Van my ghy zijt mijn lief, Ick sal in v doen dinnen
Wanneer dat v belief, wt liefden onverbeyt
Der minnen cleet, seer heet
Wort op my ghespreet, seer wreet,
Ic seg v alreet, bescheet, lief om v eerbaerheyt.
Maechdelijck dier, seer fier,
Als ick nu schier, moet hier
Derven v oogh' opslach, Veel treuren dat is mijn,
Gheen vreucht ick en vermach,
Schoon lief wel eenen dach, mijn hart dat maect
gheclach
Lief als ghy slaept gherust
Mijn harte blaeckt, en waeckt
Naer v liefde naeckt, volmaeckt,
| |
Als een die vyerich snaeckt, en haeckt,
Wilt mijn bevroen, eens doen,
Soo sal ick my spoen, om voen,
Die naer troost vyerich dust,
Want door v jonstich poogen, Is mijn pijne ghesust
Ghy en werdt oock niet bedroghen,
Dus weest hier in gherust,
V pijne werdt geblust, Ic sal v wesen weert,
Maer waeckt minioot, devoot
En laet der liefden cloot, seer groot,
Niet ontdeckt soo bloot, ter noot,
Al ist dat zijt begheert.
V wesen jent, present, Seer eloquent, bekent,
Houdt my in torment, gheschent
V twee bruyn oochgens schoone
In Venus heerschappije, zijn al mijns drucx partije
Verdrijft al t'ghepijn, van mijn,
T'Amoureus aenschijn, van dijn,
Doet my nu zijn, seer fijn
Nu ben ic verblijt, in't crijt,
Schoon lief met jolijt, wiet spijt, Om dat ghy my zijt,
altijt
Troostbaer met woorden puer,
Om v mijn lief loyale, Soo is al mijn labeur
V woort medicijnale, Gheeft mijn harte faveur
Vaert wech al mijn ghetreur,
Blijschap comt my bespien,
Mijn herte treckt, perfeckt
T'uwaerts onbevleckt, subjeckt
En blijft ghestreckt, correckt
Tot v Princelijck ingien.
Princesse jeucht, vol deucht,
Maeckt my verheucht, met vreucht
Al waer ick misvreucht, ghy meucht
Mijn jonste seer expeerdich
T'uwaerts seer vyerich blinckt,
Al ben ick v niet weerdich,
Schoon lief my eens ghedinckt,
En my met troost beschinckt
| |
Auteursrechtvrij