Nieu Aemstelredams Liedboek

Op de wijse: Alst begint.

LAest mael met soo blijde sinnen
Quam ick door dat groene wout
Daer vant ick Venus die Goddinne
Met haer gheselschap menichfout,
Elck bracht daer vreuchden voort,
En songhen met een soet accoort
Comt ghy ghesellekens coene
Speelt met v schoon Lief in't groene,
Maeckt jolijt, tot nijders spijt
Op deser tijdt, wie v benijt.

Pallas en Diana schoone

Saten daer mede in dit Rosier,
Cupido sat al in die Throone
Jupiter was dat hoochste bestier:
Doen sanck daer een Basuyne claer
En dat was ymmers waer,
Comt ghy ghesellekens coene
Speelt met v schoon Lief in't groene,
Maeckt jolijt, tot elcker spijt
Op desen tijdt, wie v benijt.

Doen ginck Venus onverholen

Lustich op hanghen eenen Crans
Ghemaeckt van Roosen en Fiolen,
Daer vergaderde eenen dans,
Doen sanck daer eenen voys courtoys
Met soo soeten claren voys,
Comt ghy ghesellekens coene
Speelt met v schoon Lief in't groene,
Maeckt jolijt, tot elcker spijt
Op desen tijdt, wie v benijt.

Terwijlen dat wy aldus vrolijck songhen

Vreuchde bedreven delicaet,
Discoort quam daer wt ghespronghen
Seer verrompelt ende quaet,
Maer haer raet en wort niet gheacht,
Want sy songhen met grooter macht,
Comt ghy ghesellekens coene
Speelt met v schoon Lief in't groene,
Maeckt jolijt, tot elcker spijt

[fol. 90]

 

Op desen tijdt, wie v benijt.

 

Het waer hier also lustich blijven

 

Sprack den edelen Prince jent

 

Mocht ick nae mijn selfs gherijven

 

Mijn Liefken spreken hier present,

 

Terwijl ick was in dit ghepeys

 

Song Cupido noch een reys,

 

Comt ghy ghesellekens coene

 

Speelt met v schoon Lief in't groene,

 

Maeckt jolijt, tot elcker spijt

 

Op desen tijdt, wie v benijt.