Nieu Aemstelredams Liedboek


Op de wijse: Den tijt is hier, datmen sal vrolijck wesen. EEn Venus dier Heb ick int hert vercoren Schoon van manier, Van praet, en staet eerbaer, Haer soet bestier, comt my dicwils te vooren Dus ick int vier, verbrandt der minnen gaer
[Folio 70]
Want openbaer, Is haer mijn hart bekent Dies als sy nu blijckt dach an // dach Die lieflijck eertijdts my aen // sach My comt ontrent, Haer oochgens van my went. Is sy verstoort, Om dat ic haer beminne, Sy spreeck een woort, En doet haer wil verstaen, Ick sal my voort, Alleyn nae haren sinne Door dit accoort, Gheheel te buyten gaen, En my voortaen, Regeeren nae haer sin, Met een beleeft en fier // ghelaet Daer dienen goedertier // om baet Tot dat ick win, Haer die ick nu bemin. Maer sy swijcht stil, Dus moet ick duldich draghen Teghen mijn wil, Dit lijden en verdriet, Sonder geschil, Soud' ic doen haer behagen Dat het ghevil, Dat ick eens hadd' bespiet, Haer wil, t'is niet, Want sy't bidden veracht Dus ick ghestadich minnen // al Op hoep' dat ick verwinnen // sal. Dat te verwacht, Op trouwe dach en nacht. Princes ydoon Wilt nu v sinnen keeren Tot een persoon die v van harten mint Al zijt ghy schoon Gheeft hem alt'ants in eeren Met trouwen loon, die t'uwaerts is ghesint Maect dat hy wint, V liefd' die liefd' betoont, Verdrijft zijn smert met reden // soet, En dat hy heeft ghebeden // doet, Zijn diensten loont, En liefd' met minne croont.