Nieu Aemstelredams Liedboek

Epigramma. Tot Cupido.

Cupido ghy laet v al Goddelijck noemen

Al waert ghy heerlijc in den Hemel gheseten:
Maer waert ghy voorwaer wten hemel gecomen
Daermen Wijntgen drinckten suycker met polleples eten
Ic laet my duncken ghy sout my wel vergeten
Maer ist als ghy seght dat ghyer zijt geboren
So zijt ghy daer met Lucifer wtghesmeten
Want ghy coemt als een duyvel de sinnen verstoren
Dan ick wedde om een stuyver dat gat sult ghy niet boren
Want t'is al v wil, en ghy saecht het spel garen
Dat ick van liefde sou sterven en met v inde Hel varen.
FINIS.