Nieu Aemstelredams Liedboek

Op de wijse: Daer is een Liewerck doot ghevallen.

[fol. 66]

 

DEwijl wy aldus stille staen

 

Woud' ic wel vreucht voortbringhen

 

Cond' ick als ghy wel hebt ghedaen,

 

Soo lustelijcken singhen,

 

En danssen als een proper dier,

 

Twee treetgens fier // In een sausier

 

Hoe lustich wou ick springhen.

 

Ick sie een Meysken voor my gaen

 

Sy is so jonck van Jaren:

 

Mocht ick in haer behaghen staen

 

Gheen moeyten soud' ick sparen,

 

Soo soud' ick arme slechte bloedt

 

Met der spoet // Mijn poppe goet

 

Met haer willen vergaren.

 

Ick ben niet schoon noch rijck van goet,

 

Noch wil ick gaen ter kueren,

 

Doch mach mijn arme slechte bloet

 

Mijn Liefken niet ghebeuren,

 

Als ick dit propere Meysken jent,

 

Excellent // Ben ontrent,

 

Soo wijst sy my die deure.

 

Princesse ist niet groot verdriet

 

Dat ick dus seer nae jaghe,

 

t'Gheen dat my mach ghebueren niet

 

Is altijdt mijn behaghen,

 

Dus sorg' ick, t'leyt my op mijn leen

 

Ick aen mijn been

 

Een blauwe scheen,

 

Ter eeren van haer sal draghen.