Nieu Aemstelredams Liedboek

Op de wijse: Alst begint.

CVpidos sware lust,
Leyt my int hart ghedoocken
Aen v die my onrust,
Eerlijck met lieft beloken,
Sedich met soet ghelaet, Geefdy oorsaec om minnen
Eenich secreet om baet
Naem ick wel tot ghewinnen.

V lieffelijc betooch // Is mijn onlust gheneesselijck

T'nederslaen van v ooch
Geeft schaemte soet en weeselijck
T'nadencken van v jeucht
Doet my tot v waert hellen
Ick soeck na deucht en vreucht

[fol. 54]

 

Comt my slechts druck niet quellen.

 

Met valsche woorden slecht,

 

Wil ick v niet seer prysen // Maer in der daet oprecht

 

Wil ick mijn woort bewijsen

 

Dats dat ghy zijt te schoon, veel die proncken en pralen

 

Die, als sy staen ten toon,

 

By v geen prijs en halen.

 

Doet Princesse fier in v gedacht mijn wille

 

Recht als ghy trockt van hier,

 

Creech ick int hart gheschille,

 

Soo dat ick door t'ghedacht,

 

Noch eenighe vreucht mach rapen

 

Schoon lief yet op my acht

 

Als ghy niet en cont slapen.