Nieu Aemstelredams Liedboek


Op die wyse: Die lustelijcke Mey is nu ontdaen. UVaer zijdy alderliefste lief, Die ic heb wtuercoren // comt te voren Ghy zijt die ick in mijn hart verhief Compt laet ons vreucht oorbooren, druck versmooren Want het is nu die tijt, Dat sich elck een verblijt Die May staet nu int groeyen Wilt v tot vreuchde spoeyen // En in lieffde bloeyen Bedrijft nu vreucht // dewijl ghy muecht Aurora doet d'licht ontsprayen, sonder bayen Phebo schoon claer met ghenuecht, Sal ons ter Feeste laeyen // en beraeyen
[Folio 14]
Alle vruchten suyuer en net, Flora chierlijck onbesmet Met haer cruydekens soet van roocken Heeft sy voor ons ontloocken, en ghesproken. Compt al ten Hoof die ter Feest behoort Men sal v wel ontfangen // met verlanghen Met liefd, vreed en eendrachtich accoort Met musicale sangen // neemt v ganghen Acht ons beschimpers niet, maer die v ionste biet Wilt hem liefde thoonen So sal v liefde croonen // en verschoonen. T'sa op coemt voort die May ontdoet Nu al zijn groene bladen // om t'ontladen En spreyt sich lustich metter spoet, Dus comt ghy Venus saden // hier ten raden Hier verthoont int ghemeyn, Menich lieff ghepaert greyn, Die haer trou ghemeen maecken, Om den carel der liefde te smaken // twist versaken.