Nieu Aemstelredams Liedboek


Op die wyse: Alst beghint. DE mey dees vrolijcke soete tijt Die door haer groente elck verblijt Verweckt des iongers sinnen Verweckt des iongers sinnen Tot het lieflijcke spel van minnen. Liefde te draghen is verdriet Daer deen bemint en dander niet Oft als dees nyders treken, Oft als dees nyders treken, In lieft doen liefd ontbreken. Maer liefde te draghen dat is lust, Als lief in liefs behagen rust, Die lieft met lieft wil loonen Die lieft met lieft wil loonen Dees liefde moet men croonen. Sulck ooch lonckt deerlijck ouer sy, Daer t'lichaem veer is en t'hart nae by Maer t'loeroocht sonder schroomen Maer t'loeroocht sonder schroomen Daermen vrijelijck by een mach comen T'ooch is een dienstbo van het hert Maer het en streckt sich niet omvert Als lief is wten oogen, Als lief is wten oogen Soo heeftet gheen vermoghen. Ghy Prinskens die wt vryen gaet
[Folio 15]
En loeroocht niet meer ouerstraet Maer lonckt van ouersyen, Maer lonckt van ouersyen, Wildy verhoolen vryen.