Nieu Aemstelredams Liedboek(1591)–Anoniem Nieu Aemstelredams Liedboek– Auteursrechtvrij Vorige Volgende Hier nae volghen verscheyden nieuwe Amoreuse Mey Liedekens. Een nieu Amoreus Liedeken. DAer ick lach en sliep In een prieel van bloemen Daer bestont my te droemen Dat ick bedreef coragie Mijn docht ick waer ghecomen Met mijn lieff wtghenomen Daer menichte van bomen Stonden in een Bosschagie Daer hoord ick eer yet lanck, Soo soeten voghelen sanck Sy songhen om prijs en danck, Dat het inden Hemel clanck Cupieren Nachtegalen Goutvincken, en wedualen, Die quamen daer altemalen, Coddenaertgens, en Robaertgens Quamen daer int ghemeyn Aexters ende Craeyen Coeckoecken en Papepayen Die quamen haer daer vermayen, Noyt en quam ick in ghenoechlijcker pleyn. Daer stonden alle vruchten Appelen van Granaten Naghelen, Neuten-muscaten, Daer ginghen wy ligghen en rusten Het Roocker wter maten, [Folio 12] [fol. 12] Al nae de muskeliaten, Ooc mede dat wy aten Wat ons ionck harteken lusten Pijpkaneel planteyt, Die was ons daer bereyt Ende alle soeticheyt Die was daer ouer ghespreyt, Daer ginghen wy spancieren Wy ghenoechelijcke dieren, Wy condent niet versieren Wat melody myn lieff en ick bedreeff, Wistent die nyders tonghen Sy haddent wel haest ghesonghen Van ons twee Venus ionghen Maer het was best dat het verholen bleeff. Pauwen, en Pauwinnen, Die quamen daer by paren, Petoren en Lepelaren Quamen op malcander druysen Noch sachmen daer vergaren, Veel Quacken en ouwe-varen, Voghelgrypen die daer waren Ende oock veel Voghel struysen, Den uyl den leelijcken snuyff Vlooch den Kieuit op zijn kuyff Den Valck met zijn huyff Vlooch naden Tortelduyff, Oock quamen daer ter banen, Patrisen en Phasanen, Veel reygers ende cranen Den Arent die sadt hoochst Die spande daer die croon Dat heeft den Griffoen ghespeten Dat den Arent was hooch gheseten Die had hem gaern verbeten Maer selfs creech hy so groten druck te loon. Princelijcke Princesse, ghy zijt seer suyuerlijcke Bouen yemant op aertrijcke Hoe soude ick v begheuen, Al in dat Landt van Griecken Waer vintmen ws ghelijcken Ick en sal v niet beswijcken Daer mach gheen schoonder leuen, Al quam in v present, Lucretia excellent Tisbe seer schoon en eloquent Gheen schoonder lief ghekent, Medea die schoone, Gelijckt v niet een boone Int hart spant ghy die croone Venus ende Paris hadden Juno ghenoot [Folio 13] [fol. 13] Bouen alle Godinnen, Staet ghy in mijnen sinnen Men mach geen schoonder vinnen Mijn lief ghetrou, Blijft ick tot inder doot. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij